யாழில் தீவிரமடையும் எலிக்காய்ச்சல் : இதுவரை 7 உயிரிழப்புக்கள்
Rakshana MA
யாழ்ப்பாண(Jaffna) மாவட்டத்தில், எலிக்காய்ச்சல் நோயினால் இதுவரையிலும் 58 பேர் பாதிக்கப்பட்டுள்ளனர் என யாழ். மாவட்ட பிராந்திய சுகாதார சேவைகள் பணிப்பாளர் வைத்தியக் கலாநிதி ஆ.கேதீஸ்வரன்(A.Ketheeswaran) தெரிவித்துள்ளார்.
யாழ்ப்பாணம் - பருத்தித்துறை சுகாதார வைத்திய அதிகாரி பணிமனையில் நேற்று(13) இடம்பெற்ற ஊடக சந்திப்பின்போது அவர் மேற்கண்டவாறு குறிப்பிட்டுள்ளார்.
பாதிக்கப்பட்டவர்களின் நிலவரம்
இது தொடர்பில் அவர் மேலும் தெரிவிக்கையில்,
பருத்தித்துறை சுகாதார வைத்திய அதிகாரி பிரிவில் 24 பேரும், கரவெட்டி சுகாதார வைத்திய அதிகாரி பிரிவில் 24 பேரும், மருதங்கேணி பிரிவில் 6 பேரும், சாவகச்சேரி பிரிவில் 4 பேருமாக இதுவரை 58 பேர் எலிக்காய்ச்சல் நோய் காரணமாக வைத்தியசாலையில் அனுமதிக்கப்பட்டுள்ளனர்.
அத்துடன் யாழ்ப்பாண மாவட்டத்தில் மொத்தமாக 7 இறப்புகள் பதிவாகியுள்ளன. அதில் 6 இறப்புகள் யாழ்ப்பாண மாவட்டத்திலும், ஒன்று முல்லைத்தீவு மாவட்டத்திலும் பதிவாகியுள்ளது.
மேலும், எலிக்காய்ச்சல் நோய் உறுதிப்படுத்தப்பட்டுள்ளதால் இதற்கான தடுப்பு நடவடிக்கைகளை நாங்கள் முன்னெடுத்து வருகின்றோம் என சுட்டிக்காட்டினார்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
