சூரிய மின்சார அலகுகளுக்கான கொள்முதல் செலவு குறைப்பு!
Rakshana MA
திருகோணமலையின்(Trincomalee) சம்பூரில் செயற்படவுள்ள இலங்கை - இந்திய கூட்டு முயற்சியான சூரிய மின்சார உற்பத்தி நிலையம், இலங்கையின் தேசிய மின்சாரக் கட்டமைப்புக்கு அலகு ஒன்றுக்கு, 5.97 அமெரிக்க சென்ஸ்களுக்கு மின்சாரத்தை விற்பனை செய்யும் என்று ஜனாதிபதி அநுர குமார திசாநாயக்க(Anura Kumara Dissanayake) தெரிவித்துள்ளார்.
குறித்த மின்சார உற்பத்தியில் அலகு ஒன்றுக்கு இதற்கு முன்னதாக சுமார் 7.00 அமெரிக்க சென்ஸ்களுக்கு இந்த விற்பனை செய்வதற்கு இணங்கப்பட்டிருந்தது.
இந்த நிலையில், பின்னர் அது 6.69 அமெரிக்க சென்ஸ்களாக குறைக்கப்பட்டது என்றும் ஜனாதிபதி சுட்டிக்காட்டியுள்ளார்.
அலகுகளுக்கான கொள்முதல் செலவு
எனினும், சில நாட்களுக்கு முன்னர் அதனை 5.97 அமெரிக்க சென்ஸ்களில் பெறுவதற்கு அரசாங்கம் இணக்கம் தெரிவித்துள்ளதாக ஜனாதிபதி அநுர குமார திசாநாயக்க பொது நிகழ்வு ஒன்றில் தெரிவித்துள்ளார்
இந்த நிலையில், அரசுக்குச் சொந்தமான இலங்கை மின்சார சபை மற்றும் இந்தியாவின் தேசிய வெப்ப மின் கழகத்திற்கும் இடையேயான கூட்டு முயற்சியின் கீழ், சம்பூரில் 135 மெகாவோட் சூரிய மின்சார உற்பத்தி நிலையம் அமைக்கவுள்ளது.
இலங்கை மின்சார சபை கூடுதல் கடனில் சிக்க விரும்பாததால் இதற்கு முதலீடுகளை அழைத்ததாக ஜனாதிபதி குறிப்பிட்டுள்ளார்.
எனினும், இதில் கொள்முதல் விலை முக்கியமானது என்றும் அவர் மேலும் கூறியுள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
