125ஆவது ஆண்டு நிறைவை முன்னிட்டு கல்முனை கார்மேல் பற்றிமா பாடசாலையில் மாபெரும் இரத்ததான முகாம்
Rakshana MA
கல்முனை(Kalmunai) கார்மேல் பற்றிமா தேசிய பாடசாலையின் 125 ஆவது ஆண்டு நிறைவை முன்னிட்டு இன்று(25) மாபெரும் இரத்ததான முகாம் இடம்பெற்றுள்ளது.
குறித்த இரத்ததான முகாமானது கல்லூரி அதிபர் அருட் சகோதரர் ரெஜினோல்டின் தலைமையில், கல்முனை ஆதார வைத்தியசாலையுடன் இணைந்து முன்னெடுக்கப்பட்டுள்ளது.
இந்த முகாம் காலை 8.00 மணி முதல் மாலை 4.30 மணிவரை பாடசாலை வளாகத்தில் நடைபெற்றுள்ளது.
125ஆவது ஆண்டு நிறைவு விழா
மேலும் கார்மேல் பற்றிமாவின் 125 ஆவது நிறைவு நிகழ்வு நிறைவேற்றுக்குழுவினரின் பங்கேற்புடன் மேற்கொள்ளப்பட்டுள்ளதுடன், இதில் பல நிகழ்வுகளும் இடம்பெற்றுள்ளன.
அத்துடன் இந்நிகழ்விற்கு பிரதம அதிதியாக கல்முனை ஆதார வைத்தியசாலையின் பணிப்பாளர் வைத்தியர் குணசிங்கம் சுகுணன் கலந்து சிறப்பித்ததுடன், கௌரவ அதிதியாக கல்முனை வடக்கு சுகாதார வைத்திய அதிகாரி வைத்தியர் நடராஜா றமேஸ் மற்றும் விசேட அதிதியாக வைத்தியசாலையின் இரத்த வங்கி பொறுப்பாளர் வைத்தியர் பி.எம்.கவிதா உள்ளிட்டோரும் கலந்து கொண்டனர்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
