திருகோணமலையில் சிரேஷ்ட தலைமை தாங்கும் அலுவலர்களுக்கு செயலமர்வு
Laksi
நடைபெறவுள்ள பொதுத் தேர்தல் தொடர்பாக தமிழ் மொழி பேசும் சிரேஷ்ட தலைமை தாங்கும் அலுவலர்களுக்கான செயலமர்வு இடம்பெற்றுள்ளது.
குறித்த நிகழ்வானது திருகோணமலை மாவட்ட மேலதிக அரசாங்க அதிபரும் உதவித் தெரிவத்தாட்சி அலுவலருமான எஸ்.சுதாகரன் தலைமையில் இன்று (28) மாவட்ட செயலக பிரதான மாநாட்டு மண்டபத்தில் நடைபெற்றுள்ளது.
இதன்போது, அண்மையில் நடைபெற்று முடிந்த ஜனாதிபதித் தேர்தலில் வழங்கிய பூரண ஒத்துழைப்புக்கு நன்றிகளை தெரிவித்துக் கொண்டு தற்போது நடைபெறவிருக்கின்ற பொதுத் தேர்தலிலும் தங்களது ஒத்துழைப்பை வழங்குமாறு திருகோணமலை மாவட்ட உதவித் தேர்தல் ஆணையாளர் ஆர்.சசீலன் கோரிக்கை விடுத்துள்ளார்.
பல விடயங்கள்
இதனையடுத்து, வாக்களிப்பு நிலையங்களில் சிரேஸ்ட தலைமை தாங்கும் அலுவலர்களின் கடமைகள் மற்றும் பொறுப்புக்கள், கடந்த ஜனாதிபதித் தேர்தலின் போது அவதானிக்கப்பட்ட குறைபாடுகள், தேர்தல் தொடர்பான சட்டங்கள், தேர்தலுக்கு முன்னர் பூர்த்தி செய்யப்பட வேண்டிய தேவைப்பாடுகள், தேர்தலுக்கு முந்தைய நாள் வாக்கு சாவடியை அடைந்ததன் பின்னர் செய்ய வேண்டியவை தொடர்பிலும் கலந்துரையாடப்பட்டுள்ளது.
அத்தோடு, வாக்களிப்பு நிலைய முகவர்கள், ஒத்திகை நடாத்தல், முதலாவது செய்தி அறிவித்தல் வழங்குதல், வாக்கெடுப்பு நிலையத்திற்குள் அல்லது அதனை சூழவுள்ள பகுதிகளில் தடை செய்யப்பட்ட நடத்தைகள், வாக்கெடுப்பை முடிவுறுத்தல், வாக்கெடுப்பு முடிவடைந்ததும் வாக்குப் பெட்டியை பொறியிடும் முறை போன்ற பல விடயங்கள் மாவட்ட உதவித் தேர்தல் ஆணையாளரினால் தெளிவூட்டப்பட்டுள்ளது.
இந்த நிகழ்வில் தமிழ் மொழி பேசும் சிரேஸ்ட தலைமை தாங்கும் அலுவலர்கள் 135 பேர் கலந்து கொண்டமை குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
