சிரேஷ்ட ஊடகவியலாளர் தாஹா முஸம்மில் காலமானார்
Rakshana MA
சிரேஷ்ட ஊடகவியலாளரும் இலங்கை சுதந்திர ஊடக இயக்கத்தின் பொருளாளருமான தாஹா முஸம்மில் இன்று திங்கட்கிழமை (24) அதிகாலை காலமானாா்.
அவரது இறப்புக்கு இலங்கை சுதந்திர ஊடக இயக்கம் இரங்கல் தெரிவித்துள்ளது.
இரங்கல் செய்தி
இதன்படி, குறித்த இரங்கல் செய்தியில், முழுமையான உறுப்பினர்களின் சார்பாக எங்கள் அன்புக்கினிய சகோதரர் தாஹா முஸம்மிலுக்கு ஆழ்ந்த மரியாதை மற்றும் நன்றியை செலுத்துகிறோம்.
சுதந்திர ஊடக இயக்கத்திலும் அதன் தொழிற்சங்கத்திலும் நிர்வாகக் குழு உறுப்பினராகவும் பொருளாளராகவும் அவர் பணியாற்றிய விதம் ஊடக சுதந்திரத்துக்கும் நெறிமுறைப் பத்திரிகைக்கும் அவரது நிலையான அர்ப்பணிப்பை எடுத்துக்காட்டுகிறது.
தாஹா முஸம்மில் ஜனநாயகம், கருத்துச் சுதந்திரம், மற்றும் மனித உரிமைகள் ஆகியவற்றுக்காக உறுதியாக போராடியவர்.
வெளிப்படைத் தன்மையும் உள்ளடக்கத் தன்மையும் சமூக அமைப்புகளின் நிலைத்தன்மைக்கான முக்கிய காரணிகள் என அவர் நம்பினார்.
நீதிக்காகவும் நேர்மைக்காகவும் அவர் எடுத்த அடையாளம் பலருக்கும் ஊக்கமளித்தது.
சிங்களம், தமிழ், ஆங்கிலம் ஆகிய மூன்று மொழிகளிலும் தேர்ச்சியுள்ளவராக அவர் சமூகங்களுக்கு இடையே பாலமாக இருந்து பன்முகத்தன்மையை ஊக்குவித்தார்.
சிரேஷ்ட ஊடகவியலாளர்
தமிழ், முஸ்லிம் பத்திரிகையாளர்கள் மற்றும் சமூக செயற்பாட்டாளர்களுக்கு இடையேயான ஒத்துழைப்பை வலுப்படுத்துவதில் அவர் விடாப்பிடியாக உழைத்தார்.
பன்முகத்தன்மை என்பது ஒரு பலம் என்பதற்கான உண்மையான எடுத்துக்காட்டு அவர்.
இன்றைய சூழலில் அவரது பேச்சும் செயலும் மிகவும் தேவையானவை. அவர் இனி நம்மோடு இல்லாவிட்டாலும், அவர் நிலைநாட்டிய அடிப்படை கோட்பாடுகள் மூலம் அவரது நினைவு நிலைத்திருக்கிறது.
ஒரு பத்திரிகையாளர், மொழிபெயர்ப்பாளர் மற்றும் பயிற்றுவிப்பாளராக அவர் ஊடக உலகுக்குத் தந்த பங்களிப்பு என்றும் மறக்கமுடியாதது.
தாஹா முஸம்மில்! உங்கள் பயணம் முடிந்திருக்கலாம்.
ஆனால், உங்கள் ஒளி என்றும் நிலைத்திருக்கிறது. உங்கள் நினைவுகளை ஆழ்ந்த நன்றியுடனும் மரியாதையுடனும் போற்றுகிறோம் என குறிப்பிடப்பட்டுள்ளது.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
