புதிய வாகனங்களை வாங்குவோருக்கு முக்கிய அறிவிப்பு
Rakshana MA
இலங்கை சுங்கத்துறையினால் புதிய வாகனங்கள் கொள்வனவு செய்வோருக்கு அறிவித்தல் ஒன்று விடுக்கப்பட்டுள்ளது.
அதன்படி, இறக்குமதி செய்யப்பட்ட வாகனங்களை கொள்வனவு செய்வதற்கு முன், பொதுமக்கள் அவற்றின் சட்டப்பூர்வத்தன்மையை சரிபார்க்க அனுமதிக்கும் ஒரு இணையத்தள வசதி குறித்து பொதுமக்களுக்கு அறிவுறுத்தப்பட்டுள்ளது.
சட்டபூர்வமான நடவடிக்கை
அந்தவகையில், சட்டவிரோதமான வழிகளில் நாட்டிற்கு கொண்டு வரப்படும் வாகனங்களை வாங்குபவர்கள் அறியாமலேயே வாங்குவதைத் தடுக்க இந்த நடவடிக்கை உதவும் என தெரிவிக்கப்பட்டுள்ளது.
மோட்டார் வாகன சரிபார்ப்பு சேவை அதிகாரப்பூர்வ சுங்க வலைத்தளம் வழியாக கிடைக்கிறது, எனவே, https://services.customs.gov.lk/vehicles என்ற அமைப்பைப் பயன்படுத்த, பயனர்கள் வாகனத்தின் சேசிஸ் எண்ணையும் அவர்களின் கையடக்க தொலைபேசி எண்ணையும் உள்ளிட வேண்டும்.
வழங்கப்பட்ட எண்ணுக்கு ஒரு முறை கடவுச்சொல் (OTP) அனுப்பப்படும், இதன் மூலம் வாகனம் சுங்கத்துறையால் சட்டப்பூர்வமாக அனுமதிக்கப்பட்டுள்ளதா அல்லது சட்டவிரோதமாக கொண்டு வரப்பட்டதா என்பது குறித்த தகவல்களை அணுக முடியும்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
