நாட்டு மக்களின் ஆணையுடன் ஆட்சிக்கு வருவோம்: சஜித் உறுதி
Laksi
நாட்டு மக்களின் ஆணையுடன் தாம் ஆட்சிக்கு வருவோம் என எதிர்க்கட்சித் தலைவர் சஜித் பிரேமதாச தெரிவித்துள்ளார்.
அத்தோடு, தன்னையும் தனது குழுவையும் எந்தவொரு சந்தர்ப்பத்திலும் விலை பேச முடியாது எனவும் அவர் குறிப்பிட்டுள்ளார்.
மீரிகம நகரில் நேற்று (19) நடைபெற்ற ஜனாதிபதி தேர்தலுக்கான ஐக்கிய மக்கள் சக்தியின் ஏழாவது மக்கள் வெற்றிப் பேரணியில் கலந்துகொண்டு உரையாற்றும் போதே அவர் இவ்வாறு கூறியுள்ளார்.
இது தொடர்பில் அவர் மேலும் உரையாற்றுகையில்,
பிரதமர் பதவி
நான் சந்தர்ப்பவாத அரசியலைப் பின்பற்றுவதில்லை. 2018 ஆம் ஆண்டு 52 நாள் சூழ்ச்சியின்போது பிரதமர் பதவியைப் பொறுப்பேற்குமாறு 71 தடவை அழைப்பு விடுத்த போதும் அந்த அழைப்பை நான் நிராகரித்தேன்.
அந்தக் கொள்கையினால் தான் கோட்டாபய ராஜபக்ச பிரதமர் பதவியைப் பொறுப்பேற்குமாறு கூறியபோதும் அதனை நான் நிராகரித்தேன்.
அவ்வாறு அந்த சந்தர்ப்பத்தில் சென்று இருந்தால் இந்தச் நாட்டை சூறையாடி வளங்களையும், பணத்தையும் திருடிய திருடர்களின் பாதுகாவலராக நான் இருக்க வேண்டிய நிலை ஏற்பட்டிருக்கும்.
மக்களின் ஆணை
திருடர்களைப் பாதுகாக்கின்ற வாயில் காவலாளியாகவும் இருந்திருப்பேன். எந்தவொரு சந்தர்ப்பத்திலும் பொறுப்புகளின் ஊடாகவும், பணத்துக்காகவும் பேரம்போவதற்கு தயார் இல்லை.
எந்தவொரு பிரபலமான பதவியாக இருந்தாலும் எவ்வாறான முன்மொழிவுகளை முன்வைத்தாலும் பொதுமக்களை மையப்படுத்திய அரசியலில் இருந்து விலகி செயற்படப்போவதில்லை.
சஜித் பிரேமதாச ஆகிய என்னையும் எனது குழுவையும் எந்தவொரு சந்தர்ப்பத்திலும் விலை பேச முடியாது. நாட்டு மக்களின் ஆணையுடன் தான் ஆட்சிக்கு வருவோம்” என தெரிவித்துள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
