ஏலக்காய் பொதியுடன் கட்டுநாயக்க விமான நிலையத்தில் ஒருவர் கைது

சட்ட விரோதமான முறையில் டுபாயில் இருந்து இலங்கைக்கு கொண்டு வரப்பட்ட ஏலக்காய் தொகை ஒன்றுடன் சந்தேக நபர் ஒருவர் கைது செய்யப்பட்டுள்ளார்.

குறித்த கைது நடவடிக்கையானது நேற்று (1) இரவு கட்டுநாயக்க விமான நிலையத்தில் மேற்கொள்ளப்பட்டுள்ளது.

கட்டுநாயக்க விமான நிலையத்தின் வருகை முனையத்தில் விமான நிலைய பொலிஸ் நிலைய அதிகாரிகள் குழுவினர் மேற்கொண்ட சுற்றிவளைப்பின் போது குறித்த சந்தேகநபர் கைது செய்யப்பட்டுள்ளார்.

அமைச்சர்களுக்கான அரச பங்களாக்கள் குறித்து வெளியான தகவல்

மேலதிக விசாரணை

சம்பவத்தில் கொழும்பு 12 ஐ வசிப்பிடமாக கொண்ட 48 வயதுடைய நபரொருவரே கைது செய்யப்பட்டுள்ளதாக தெரிவிக்கப்படுகின்றது.

இதன்போது, சந்தேகநபரிடமிருந்து 76 கிலோ 300 கிராம் ஏலக்காய் மற்றும் 08 கைப்பேசிகள் கண்டுபிடிக்கப்பட்டுள்ளதாக பொலிஸார் தெரிவித்துள்ளனர்.

மேலும், சம்பவம் தொடர்பான மேலதிக விசாரணைகளை விமான நிலைய பொலிஸார் மேற்கொண்டு வருகின்றனர்.

சமூக நலன்புரி வழங்கும் வேலைத்திட்டங்களை டிஜிட்டல் மயமாக்க திட்டம்

முக்கிய துறைகளில் இந்தியாவின் ஆதரவை எதிர்பார்க்கும் ஜனாதிபதி