வெற்றிக்கழிப்பில் நிந்தவூரில் முன்னெடுக்கப்பட்ட துஆ பிரார்த்தனை
Rakshana MA
திகாமடுல்ல தேர்தல் தொகுதிக்காக உழைத்த அனைவருக்கும் நன்றி தெரிவித்துக் கொள்கின்றேன் என நிந்தவூர் பிரதேச சபையின் முன்னாள் தவிசாளரும், திகாமடுல்ல தொகுதியிலிருந்து நாடாளுமன்றத்திற்கு தெரிவான அஷ்ரப் தாஹிர் தெரிவித்துள்ளார்.
நிந்தவூர் ஜூம்மா பள்ளிவாசலில் நேற்று (15) மக்களால் ஏற்பாடு செய்யப்பட்ட வரவேற்பு நிகழ்வில் உரையாற்றும் போதே அவர் இதனை குறிப்பிட்டுள்ளார்.
மேலும், அகில இலங்கை மக்கள் காங்கிரஸ் கட்சி திகாமடுல்ல தேர்தல் மாவட்டத்தில் ஒரு ஆசனத்தை பெற்றுக்கொள்வதற்காக உழைத்த, பத்து வேட்பாளர்களுக்கும் கட்சியின் உயர்பீட உறுப்பினர்கள், போராளிகள், ஆதரவாளர்கள் என அனைவருக்கும் கட்சியின் பிரதி தேசிய அமைப்பாளர் என்ற ரீதியில் மனமார்ந்த நன்றிகளை தெரிவித்துக் கொள்கின்றேன் என சுட்டிக்காட்டியுள்ளார்.
வெற்றியுடன் வரவேற்பும் துஆவும்
நடந்து முடிந்த 10 ஆவது நாடாளுமன்ற தேர்தலை முன்னிட்டு அம்பாறை ஹாடி தொழில்நுட்பக் கல்லூரியில் தற்காலிகமாக அமைக்கப்பட்டிருந்த வாக்கெண்ணும் நிலையத்தில் மக்கள் காங்கிரஸ் கட்சி வெற்றியை உறுதிப்பட்டுள்ளது.
அதன் பின்னர் அகில இலங்கை மக்கள் காங்கிரஸ் கட்சியின் முதன்மை வேட்பாளரும் வெற்றியடைந்து புதிய நாடாளுமன்ற உறுப்பினராகவும் தெரிவு செய்யப்பட்ட அஷ்ரப் தாஹிர் ஆதரவாளர்களால் மாலை அணிவிக்கப்பட்டு நிந்தவூர் ஜூம்மா பள்ளிவாசலுக்கு அழைத்து செல்லப்பட்டுள்ளார்.
மேலும் அங்கு அவருக்காக மக்களால் துஆ பிரார்த்தனை முன்னெடுக்கப்பட்டுள்ளமை குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
