க.பொ.த சாதாரண தரப் பரீட்சை தொடர்பில் விசேட அறிவிப்பு
Laksi
2024 ஆம் ஆண்டுக்கான கல்விப் பொதுத் தராதர சாதாரண தரப் பரீட்சைக்கான விண்ணப்பங்கள் நாளை (05) முதல் நவம்பர் 30 ஆம் திகதி வரை இணையவழி மூலம் சமர்ப்பிக்க முடியும் என அறிவிக்கப்பட்டுள்ளது.
குறித்த விடயமானது பரீட்சைகள் திணைக்களம் விடுத்துள்ள ஊடக அறிக்கையில் தெரிவிக்கப்பட்டுள்ளது.
அதன்படி, பரீட்சைக்குத் தோற்றவுள்ள அனைத்து பாடசாலை விண்ணப்பதாரர்களும் தங்கள் பாடசாலை அதிபர் மூலமாகவும் தனியார் விண்ணப்பதாரர்கள் தனிப்பட்ட முறையில் உரிய அறிவுறுத்தல்களின்படி தங்கள் விண்ணப்பங்களை இணையத்தில் சமர்ப்பிக்க வேண்டும்.
பரீட்சைக்கான விண்ணப்பம்
மேலும், தனியார் விண்ணப்பதாரர்கள் பரீட்சைக்கான விண்ணப்பத்தை தேசிய அடையாள அட்டையைப் பயன்படுத்தியும், தேசிய அடையாள அட்டை இல்லாத தனியார் விண்ணப்பதாரர்கள் தங்கள் பாதுகாவலரின் (தாய் அல்லது தந்தை) தேசிய அடையாள அட்டையைப் பயன்படுத்தி பதிவு செய்ய வேண்டும் எனவும் குறிப்பிடப்பட்டுள்ளது.
இலங்கைப் பரீட்சைகள் திணைக்களத்தின் உத்தியோகபூர்வ இணையத்தளமான www.doenets.lk அல்லது www.onlineexams.gov.lk/eic இல் இது தொடர்பான அறிவுறுத்தல்களை படித்து அதற்கேற்ப விண்ணப்பங்களை சமர்ப்பிக்குமாறும் அந்த அறிவிப்பில் மேலும் தெரிவிக்கப்பட்டுள்ளது.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
