முன்னாள் ஜனாதிபதியின் வழியை பின்பற்றும் அநுர : கபீர் ஹாசிம் பகிரங்கம்
Laksi
கடந்த வருடம் ஜனாதிபதியின் செலவிற்காக வரவு செலவுத் திட்டத்தில் ரணில் ஒதுக்கிய அதே தொகையை ஜனாதிபதி அநுர குமார திஸாநாயக்கவும் ஒதுக்கியுள்ளதாக கேகாலை மாவட்ட நாடாளுமன்ற உறுப்பினர் கபீர் ஹாசிம் (Kabir Hashim)தெரிவித்துள்ளார்.
நாடாளுமன்றில் அரசாங்கத்தின் இடைக்கால வரவு செலவு திட்டம் தொடர்பான விவாதத்தில் கலந்து கொண்டு உரையாற்றும் போதே அவர் இதனை குறிப்பிட்டுள்ளார்.
அவர் மேலும் தெரிவிக்கையில், ரணிலுக்கு அதிகப்படியான சலுகைகள் இருப்பதாக அவர்கள் தொடர்ந்து குற்றஞ்சாட்டி வந்தனர், ஆனால் இடைக்கால வரவு செலவு திட்டத்தில் எந்தவொரு மாற்றமும் இல்லை.
வரவு செலவு திட்டம்
முன்னாள் ஜனாதிபதி ரணில் விக்ரமசிங்க (Ranil Wickremesinghe) 2024 ஜனவரி முதல் ஏப்ரல் வரை 1.4 ட்ரில்லியன் ரூபா வரவு செலவு திட்டத்திலிருந்து செலவிட்டுள்ளார்.
தற்போது, 2025 ஆம் ஆண்டு ஜனவரி முதல் ஏப்ரல் வரை ஜனாதிபதி அநுர குமார திஸாநாயக்கவிற்கு (Anura Kumara Dissanayake) 1.4 ட்ரில்லியன் ரூபா ஒதுக்கப்பட்டுள்ளது.
இந்த தொகையில் எந்த மாற்றமும் இல்லை, அப்படியென்றால் அதில் என்ன மாற்றம் இருக்கிறது என்றார்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
