பொது இடங்களில் வைஃபை பயன்டுத்துவோருக்கு விடுக்கப்பட்டுள்ள எச்சரிக்கை
பொது இடங்களிலுள்ள வைஃபை பயன்படுத்துவதனால் ஒருவரின் தனிப்பட்ட தகவல்கள் திருடப்படுவது தொடர்பில் முறைப்பாடுகள் கிடைத்துள்ளதாக கணினி அவசர பதில் மன்ற தலைமை தகவல் பாதுகாப்பு அதிகாரி நிரோஷ் ஆனந்த தெரிவித்துள்ளார்.
பொது இடங்களில் கிடைக்கும் வைஃபையினை பயன்படுத்தும் போது மக்கள் மிகவும் அவதானத்துடன் செயல்பட வேண்டும் எனவும் கூறியுள்ளார்.
ஆபத்தாகும் இணைய வேலைகள்
மேலும் தெரிவிக்கையில் , இலவச வைஃபை சேவையின் மூலம் போலியான வைஃபை சேவைகள் வழங்கப்படலாம். இதன் மூலம் பொது மக்கள் தவறாக வழி நடத்தப்பட்டு அவர்களின் தனிப்பட்ட தகவல்கள் தொடக்கம் கடவுச்சொல் வரையிலும் திருடப்படும் வாய்ப்புக்கள் உண்டு.
பொது இடங்களில் இலவச வைஃபை பயன்படுத்தி இணையத்தினை பயன்படுத்தும் போது அதிக கவனமாக செயல்பட வேண்டும்.
மேலும், தனிப்பட்ட கணக்குகளை அணுகாமல் மின்னஞ்சல் முகவரிகளை அணுகலாம் மற்றும் எந்த நேரத்திலும் எந்த கணக்கியல் பணியையும் செய்யலாம் என எச்சரித்துள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
