ஏறாவூரில் பொலிஸாரின் விசேட சுற்றிவளைப்பில் 8 பேர் கைது
Laksi
மட்டக்களப்பு (Batticaloa) - ஏறாவூரில் பொலிஸார் மேற்கொண்ட விசேட சுற்றிவளைப்பு நடவடிக்கை ஒன்றில் 8 பேர் கைது செய்யப்பட்டுள்ளனர்.
குறித்த கைது நடவடிக்கையானது நேற்று (4) இரவு மேற்கொள்ளப்பட்டுள்ளதாக பொலிஸார் தெரிவி்த்துள்ளனர்.
நீதிமன்ற பிடிவிறாந்து பிறப்பிக்கப்பட்ட 8 பேரே இதன்போது கைது செய்யப்பட்டுள்ளதாக தெரிவிக்கப்படுகின்றது.
8 பேர் கைது
மாவட்டத்தில் பல குற்ற செயல்கள் தொடர்பாக கைது செய்யப்பட்ட ஏறாவூர் பொலிஸ் நிலைய பிரதேசத்தைச் சேர்ந்த பலர் அந்தந்த நீதிமன்றங்களில் முன்னிலைப்படுத்தப்பட்டு நீதிமன்ற பிணையில் வெளிவந்த பின்னர் நீதிமன்றங்களுக்கு முன்னிலையாகாததால் பிடியாணை பிறப்பிக்கப்பட்டுள்ளது.
இந்த பிடிவிறாந்து பிறப்பிக்கப்பட்டு தலைமறைவாகி வந்தவர்களை தேடி கண்டு பிடிக்கும் விசேட சுற்றிவளைப்பினை நேற்று பொலிஸார் மேற்கொண்டனர்.
இதன்போது, தலைமறைவாகி இருந்த நீதிமன்ற பிடிவிறாந்து பிறப்பிக்கப்பட்ட 8 பேர் கைது செய்யப்பட்டுள்ளதுடன் இவர்களை நீதிமன்றில் முன்னிலைப்படுத்த நடவடிக்கை எடுக்கப்பட்டு வருவதாக பொலிஸார் தெரிவித்துள்ளனர்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
