யுக்திய சுற்றிவளைப்பில் 736 சந்தேகநபர்கள் கைது

Sri Lanka Sri Lanka Police Investigation Crime

By Laksi Sep 06, 2024 10:42 AM GMT

Laksi

நாடளாவிய ரீதியில் முன்னெடுக்கப்பட்ட யுக்திய நடவடிக்கையின் கீழ் கடந்த 24 மணித்தியாலத்தில் 736 பேர் கைது செய்யப்பட்டுள்ளதாக பொலிஸார் தெரிவித்துள்ளனர்.

இதன்போது, போதைப்பொருள் குற்றம் தொடர்பில் 719 ஆண்களும் 17 பெண்களும் கைது செய்யப்பட்டுள்ளதாக தெரிவிக்கப்படுகின்றது.

போதைப்பொருட்கள் மீட்பு

இதனையடுத்து, சந்தேகநபர்களிடமிருந்து 185 கிராம் 573 மில்லி கிராம் ஹெரோயின், 337 கிராம் 835 மில்லி கிராம் ஐஸ், 273 போதை மாத்திரைகள் மற்றும் 1,716 கிராம் 947 மில்லி கிராம் கஞ்சா ஆகிய போதைப்பொருட்கள் கைப்பற்றப்பட்டுள்ளதாக குறிப்பிடப்பட்டுள்ளது.

யுக்திய சுற்றிவளைப்பில் 736 சந்தேகநபர்கள் கைது | Yukthiya Operation Sri Lanka

மேலும், கைது செய்யப்பட்ட சந்தேக நபர்களில் 10 பேர் பொலிஸ் தடுப்பு காவலில் வைக்கப்பட்டுள்ள நிலையில் போதைப்பொருட்களுக்கு அடிமையாகியுள்ள 5 பேரை புனர்வாழ்வு நிலையங்களுக்கு அனுப்பி வைக்க நடவடிக்கை எடுக்கப்பட்டுள்ளதாகவும் பொலிஸார் தெரிவித்துள்ளனர்.