மஞ்சள் காய்ச்சல் தடுப்பூசி தொடர்பில் சுகாதார அமைச்சு அறிவிப்பு

தற்போது ஆபிரிக்க கண்டத்திற்கான பயணத்திற்கான முன்நிபந்தனையாக மஞ்சள் காய்ச்சல் தடுப்பூசியைப் பெறுவதற்காக மொத்தம் 5,000 இலங்கையர்கள் காத்திருப்பதாக தகவல்கள் வெளியாகியுள்ளன.

சுகாதார அமைச்சகத்தின் கூற்றுப்படி, பிற நாடுகளில் இருந்து ஆப்பிரிக்க நாடுகளுக்கு பயணம் செய்யும் குடிமக்களுக்கு மஞ்சள் காய்ச்சல் தடுப்பூசி கட்டாயமாகும்.

மஞ்சள் காய்ச்சல் தடுப்பூசி

நாட்டில் தற்போது மஞ்சள் காய்ச்சல் தடுப்பூசிகளுக்கு தட்டுப்பாடு ஏற்பட்டுள்ளது.

இந்தநிலையில் இந்த வாரத்தில் 2,000 தடுப்பூசிகள் நாட்டுக்கு எடுத்து வரப்படும் என்று சுகாதார அமைச்சு தெரிவித்துள்ளது.

இந்த தடுப்பூசிகள் யுனிசெஃப் மூலம் கொள்வனவு செய்யப்படுவதாக அமைச்சகம் தெரிவித்துள்ளது.

இலங்கையின் தற்போதைய தேவையை பூர்த்தி செய்ய 6000 மஞ்சள் காய்ச்சல் தடுப்பூசிகள் தேவைப்படுகின்றன.