பாணந்துறையில் ஒரே நேரத்தில் இடிந்து விழுந்த 5 மாடிக்கட்டிடங்கள்
Rakshana MA
பாணந்துறையின் ஜனப்பிரிய மாவத்தையில் வரிசையாக காணப்பட்ட பழைய இரண்டு மாடிக்கட்டிடங்கள் ஐந்து இடிந்து விழுந்துள்ளன.
இவ்விபத்து சம்பவமானது நேற்று (30) இடம்பெற்றுள்ளது.
இடிந்து விழுந்தமைக்கான காரணம்
குறித்த மாவத்தையின் வீதியின் இருபுறங்களிலும் வடிகால் அமைப்பொன்றை நிர்மானிக்க மாநகர சபையினால் தீர்மானிக்கப்பட்டுள்ள நிலையில் மண் அகழும் இயந்திரத்தின் உதவியுடன் அதற்கான நடவடிக்கைகளும் முன்னெடுக்கப்பட்டுள்ளன.
மண் அகழும் இயந்திரம் ஒன்றிலினால் மண் அகன்ற நேரத்திலே குறித்த ஐந்து கட்டடங்களும் இடிந்து விழுந்துள்ளன. மேலும் மண் அகழும் போது உருவான அதிர்வின் காரணமாகவே விபத்து ஏற்பட்டிருக்கலாம் என அருகில் இருந்த வியாபாரிகள் கருத்து தெரிவித்துள்ளனர்.
இடிபாட்டிற்குள்ளான கட்டடத்திற்கு கீழ் தளங்களில் பல் அறுவை சிகிச்சை நிலையம், ஆடை விற்பனை நிலையம் உள்ளிட்ட பல கடைகள் இருந்ததோடு, அனைத்தும் சேதமடைந்துள்ளதுடன் இவ்விபத்தில் யாருக்கும் காயங்கள் ஏற்படவில்லை என்பது குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
