கல்வி அமைச்சு விடுத்துள்ள முக்கிய அறிவிப்பு

2021 டிசம்பர் 31 ஆம் திகதிக்குள் தங்கள் சேவையை முடித்து, இடமாற்றக் கடிதங்களை பெற்ற அனைத்து ஆசிரியர்களுக்கும் கல்வி அமைச்சு அறிவிப்பொன்றை வெளியிட்டுள்ளது.

மேற்குறிப்பிட்ட காலபகுதியில்,இடமாற்றக் கடிதங்களை பெற்ற அனைத்து ஆசிரியர்களும் ஜூன் 12 (திங்கட்கிழமை) ஆம் திகதிக்குள் தங்கள் பணியிடங்களுக்குத் தெரிவிக்க வேண்டும் என கல்வி அமைச்சு அறிவித்துள்ளது.

மேல்முறையீடு தொடர்பான விபரங்கள்

ஒரு ஆசிரியர் மேல்முறையீடு செய்ய விரும்பினால், ஆசிரியர் பணிக்கு அறிக்கை செய்த பின்னர், ஆசிரியர் இடமாறுதல் பிரிவுக்கு மேல்முறையீட்டை அதிபர் அனுப்பலாம்.

இது தொடர்பாக கல்வி அமைச்சின் ஆசிரியர் இடமாறுதல் திணைக்களத்தை நேரில் பார்வையிட வேண்டிய அவசியமில்லை என தெரிவிக்கப்பட்டுள்ளது.

இதேவேளை மேல்முறையீடு செய்யக்கூடிய விண்ணப்பங்கள் மீதான மேல்முறையீட்டு முடிவுகள் உடனடியாக அறிவிக்கப்படும் எனவும் தெரிவிக்கப்பட்டுள்ளது.