யாழில் முச்சக்கரவண்டி கவிழ்ந்து விபத்து : 11பேர் படுகாயம்

யாழில் முன்பள்ளி மாணவர்களை ஏற்றி சென்ற முச்சக்கரவண்டி ஒன்று கவிழ்ந்து விபத்துக்குள்ளாகியதில் 11 மாணவர்கள் காயமடைந்துள்ளனர்.

இந்த சம்பவம் யாழ்ப்பாணம், கொழும்புத்துறை - உதயபுரம் பகுதியில் இன்று(14.06.2023) இடம்பெற்றுள்ளது.

முன்பள்ளி ஒன்றிற்கு 11 மாணவர்களை ஏற்றி சென்ற முச்சக்கரவண்டியே இவ்வாறு வீதியோரமாக கவிழ்ந்து விபத்துக்குள்ளாகியுள்ளது.

வைத்தியசாலையில் அனுமதி

இதன்போது முச்சக்கரவண்டிக்குள் இருந்த 11 மாணவர்களும் காயமடைந்துள்ளதுடன், முச்சக்கரவண்டி சாரதியும் காயமடைந்துள்ளார்.

இந்நிலையில் காயமடைந்த 12 பேரும் யாழ். போதனா வைத்தியசாலையில் அனுமதிக்கப்பட்டுள்ளனர்.

இச்சம்பவம் தொடர்பிலான மேலதிக விசாரணைகளை யாழ்ப்பாணம் பொலிஸார் முன்னெடுத்த வருகின்றனர்.