கூரிய ஆயுதத்தால் நபரொருவர் மீது தாக்குதல் மேற்கொண்டவர் சிக்கினார்

மஹரகம பொதுச் சந்தைக்கு முன்பாக நபர் ஒருவரை கூரிய ஆயுதத்தால் தாக்கிய சந்தேகநபர் கைது செய்யப்பட்டுள்ளார்.

மஹரகம பொதுச்சந்தைக்கு முன்பாக உள்ள நடைபாதையின் பிரதான நுழைவாயிலுக்கு அருகில் நேற்று (29) இந்த சம்பவம் இடம்பெற்றுள்ளது.

சம்பவத்தில் பலத்த காயமடைந்த நபர் சிகிச்சைக்காக களுபோவில போதனா வைத்தியசாலையில் அனுமதிக்கப்பட்டுள்ளார்.

சோதனையில் கைப்பற்றப்பட்ட பொருட்கள்

சம்பவம் தொடர்பில் கைது செய்யப்பட்ட சந்தேகநபரிடம் மேற்கொள்ளப்பட்ட சோதனையின் போது ​​அவரிடமிருந்து போதைப்பொருட்கள், கையடக்கத் தொலைபேசி மற்றும் கூரிய ஆயுதம் என்பன கைப்பற்றப்பட்டுள்ளதாக தெரிவிக்கப்படுகின்றது.

கைதான சந்தேக நபர் மஹரகம பிரதேசத்தை சேர்ந்த 40 வயதுடையவர் என தெரியவந்துள்ளதுடன் சம்பவம் தொடர்பிலான மேலதிக விசாரணைகளை மஹரகம பொலிஸார் மேற்கொண்டு வருகின்றனர்.