பேரிடரால் மன அழுத்தம் ஏற்பட்டவர்களுக்கு விடுக்கப்பட்டுள்ள அறிவிப்பு
Fathima
பேரிடர் காரணமாக மன அழுத்தத்தை எதிர்கொண்டால், தேசிய மனநல நிறுவனத்தின் 1926 என்ற ஹாட்லைனை அழைத்து தேவையான ஆலோசனைகளை பெறுமாறு சுகாதார அதிகாரிகள் பொதுமக்களுக்கு அறிவுறுத்தியுள்ளனர்.
இதுபோன்ற பேரழிவு, அது நம் மனதை நேரடியாகப் பாதிக்கக்கூடும், இதன் விளைவாக, மக்களிடையே மன அழுத்தம் பொதுவானது என்று ராகம மருத்துவ பீடத்தின் குழந்தை மற்றும் இளம் பருவ மனநல மருத்துவ நிபுணரான பேராசிரியர் மியுரு சந்திரதாச தெரிவித்துள்ளார்.
பிரச்சினையை அடையாளம் காண வேண்டும்
இது தொடர்பில் அவர் மேலும் கூறுகையில்,''நீங்கள் அத்தகைய அழுத்தத்தில் இருந்தால், முதலில் பிரச்சினையை அடையாளம் காண வேண்டும், பின்னர் அந்த பிரச்சினையைத் தீர்க்க என்ன செய்ய வேண்டும் என்பதற்கான தீர்வை அடையாளம் காண வேண்டும்.
மேலும், இந்த சூழ்நிலையால் யாராவது கடுமையாக பாதிக்கப்பட்டிருந்தால், அருகிலுள்ள அரசு மருத்துவமனையில் மருத்துவரை சந்தித்து தேவையான ஆலோசனைகளைப் பெற வேண்டும்.
இந்த பேரிடர் காரணமாக குழந்தைகள் மன அழுத்தத்திற்கு ஆளானால், முடிந்தவரை அவர்களின் வாழ்க்கையை இயல்பாக்க முயற்சிகள் மேற்கொள்ளப்பட வேண்டும் என்றும் மருத்துவர் அறிவுறுத்தினார்.
உதாரணமாக, அவர்கள் விளையாடுவதற்கான சூழலை உருவாக்குதல், நண்பர்களைச் சந்திக்க வாய்ப்புகளை வழங்குதல் போன்றவற்றைச் செய்யலாம் என்று மருத்துவர் மேலும் சுட்டிக்காட்டினார்.
