மட்டக்களப்பில் ஐக்கிய மக்கள் சக்தியின் தேர்தல் காரியாலயம் திறந்து வைப்பு
Laksi
ஐக்கிய மக்கள் சக்தியின் தலைவரும் எதிர்க்கட்சி தலைவருமான சஜித் பிரேமதாசவின் தேர்தல் செயற்பாட்டினை நோக்காக கொண்டு மட்டக்களப்பு மாவட்ட தேர்தல் காரியாலயம் திறந்து வைக்கப்பட்டுள்ளது.
ஐக்கிய மக்கள் சக்தியின் மட்டக்களப்பு தொகுதி அமைப்பாளரும் மாவட்ட தேர்தல் ஒருங்கிணைப்பாளருமான த.தயானந்தன் தலைமையில் குறித்த காரியாலயமானது கிரான்குளம் பகுதியில் இன்றையதினம்(06) திறந்து வைக்கப்பட்டுள்ளது.
இதன்போது, ஜனாதிபதி தேர்தல் தொடர்பாக எதிர்கால செயற்பாடுகள் எவ்வாறு முன்னெடுக்க வேண்டும் என்பது தொடர்பாக மட்டக்களப்பு மாவட்ட உயர் மட்ட குழுக்களுக்கிடையிலான கலந்துரையாடல் முன்னெடுக்கப்பட்டுள்ளது.
சஜித்திற்கு ஆதரவு
இதனையடுத்து, ஐக்கிய மக்கள் சக்தியின் மட்டக்களப்பு தொகுதி அமைப்பாளர் கருத்து தெரிவிக்கையில், கடந்த காலத்தை பொருத்தவரையில் எங்களுடைய ரணில் விக்ரமசிங்க இந்த நாட்டிலே ஒரு நாடாளுமன்ற உறுப்பினரை கூட பெற முடியாத சந்தர்ப்பத்தில் அவ்வாறு ஜனாதிபதியாக வர முடியும் என்கின்ற கருத்து காணப்படுகின்றது.
இந்த நாட்டு மக்கள் உண்மையில் எதிர்பார்த்து நிற்பது சஜித் பிரேமதாசா அவர்களை வெல்ல வைப்பது.எனவே, வடக்கு கிழக்கு தமிழ் முஸ்லிம் மக்கள் ஒட்டுமொத்தமாக அனைவரும் ஒன்று இணைந்து சஜித் பிரேமதாசா அவர்களுக்கு வாக்களிப்பதாக உறுதியளித்திருக்கின்றார்கள்.
உண்மையில் சஜித் பிரேமதாசா சாதி மதம் இனங்களை கடந்து அனைவரும் ஒன்று என்று ஏற்றுக் கொள்ளக்கூடிய ஒரே ஒரு தலைவர் இவர்.
எனவே எதிர்வரும் ஜனாதிபதி தேர்தலில் நாங்கள் அனைவரும் ஒன்று திரண்டு இவருக்கு வாக்களிக்க வேண்டும் என்றார்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
