பெருந்தோட்டத் தொழிலாளர்களின் நாளாந்த குறைந்தபட்ச வேதனம் தொடர்பில் வெளியான வர்த்தமானி அறிவித்தல்

பெருந்தோட்டத் தொழிலாளர்களின் நாளாந்த குறைந்தபட்ச வேதனமாக 1,350 ரூபாவை அறிவித்து வர்த்தமானி அறிவித்தல் வெளியிடப்பட்டுள்ளது.

கடந்த 10ஆம் திகதி முதல் நடைமுறைக்கு வரும் வகையில் தொழில் அமைச்சின் செயலாளர் ஆர்.பீ.ஏ.விமலவீரவினால் இந்த வர்த்தமானி அறிவித்தல் வெளியிடப்பட்டுள்ளது.

3 வருடங்களுக்கு நடைமுறையில் இருக்கும் தீர்மானம்

அதேநேரம், மேலதிக தேயிலை கிலோகிராம் ஒன்றுக்கு 50 ரூபாய் வழங்கப்பட வேண்டும் எனவும் அந்த வர்த்தமானியில் குறிப்பிடப்பட்டுள்ளது.

அத்துடன் கடந்த 10ஆம் திகதி முதல் எதிர்வரும் 3 வருடங்களுக்கு இந்த தீர்மானம் நடைமுறையில் இருக்குமென வேதன நிர்ணய சபையில் தீர்மானிக்கப்பட்டதாக குறித்த வர்த்தமானி அறிவித்தலில் சுட்டிக்காட்டப்பட்டுள்ளது.