ஆபத்தில் இருக்கும் மரங்களுக்கு உரிமையாளர்களே பொறுப்பு: மேற்கொள்ளப்படவுள்ள சட்ட நடவடிக்கை
Independent Writer
அபாயகரமான மரங்கள் அமைந்துள்ள தனியார் மற்றும் அரச காணிகளின் உரிமையாளர்களுக்கு சட்ட அறிவித்தல் வழங்கப்படவுள்ளது.
அதற்கான நடவடிக்கைகள் விரைவில் மேற்கொள்ளப்படும் என கொழும்பு மாநகர ஆணையாளர் பத்ராணி ஜயவர்தன தெரிவித்துள்ளார்.
“தனியார் நிலங்கள் மற்றும் அரசு நிறுவனங்களில் மரங்கள் விழுவதாக எங்களுக்கு முறைப்பாடுகள் வருகின்றன.
பாதுகாப்பு நடவடிக்கை
ஒரு நிலத்தின் உரிமையாளர், அது அரசு நிறுவனமாக இருந்தாலும், தனியார் நிறுவனமாக இருந்தாலும் அல்லது குடியிருப்பாளர்களாக இருந்தாலும், அவர்களின் நிலத்தில் அனைத்து சொத்துக்களின் பாதுகாப்புக்கு அவர்களே பொறுப்பு.
இதனால், அந்த நிலங்களில் உள்ள மரங்களுக்கும் அவர்களே பொறுப்பு. அத்தகைய பாதுகாப்பின்மை இருந்தால், அது உண்மையில் ஒரு தவறு.
மாநகர சபை கட்டளைச் சட்டத்தின்படி இந்த சட்ட அறிவிப்பை எவ்வாறு வெளியிடுவது என்பது குறித்து ஆய்வு செய்துள்ளோம்
அதன்படி, இன்று ஆபத்தான மரங்கள் அமைந்துள்ள நிறுவனங்கள் மற்றும் தனியார் வீடுகளுக்கு இந்த மரங்களை அகற்றி, ஆபத்தை தடுக்க தேவையான நடவடிக்கை எடுக்குமாறு அறிக்கை அனுப்பவுள்ளோம்” என்றார்.
