புத்தளத்தில் பெருந்தொகையான மஞ்சள் மீட்பு
Laksi
புத்தளம் - சேரக்குளி கடற்பிரதேசத்தில் இருந்து ஒருதொகை மஞ்சள் மீட்கப்பட்டுள்ளதாக கடற்படையினர் தெரிவித்துள்ளனர்.
குறித்த கடற்பிரதேசத்தில் உள்ள காட்டுப் பகுதியில் நேற்று (10) கடற்படையினர் மேற்கொண்ட சோதனை நடவடிக்கையின் போது 14 உர மூடைகளில் இருந்து 470 கிலோ கிராம் மஞ்சள் மீட்கப்பட்டுள்ளதாக தெரிவிக்கப்படுகின்றது.
இதன்போது, மீட்கப்பட்ட உர மூடைகளில் உலர்ந்த மஞ்சள் இருந்தமை தெரியவந்துள்ளது.
மேலதிக விசாரணை
குறித்த மஞ்சள் இந்தியாவில் இருந்து கடல்மார்க்கமாக இலங்கையின் பல்வேறு பகுதிகளிலும் விற்பனை செய்யும் நோக்கில் இவ்வாறு எடுத்து வந்திருக்கலாம் எனவும் கடற்படையின் கெடுபிடிகள் காரணமாக சந்தேக நபர்கள் மஞ்சள் அடங்கிய உரமூடைகளை காட்டுப் பகுதியில் கைவிட்டுச் சென்றிருக்கலாம் எனவும் தாம் சந்தேகிப்பதாக கடற்படையினர் குறிப்பிட்டனர்.
மேலும், இவ்வாறு கைப்பற்றப்பட்ட 470 கிலோ கிராம் மஞ்சள் அடைக்கப்பட்ட உரமூடைகளை மேலதிக விசாரணைக்காக தமது பொறுப்பில் வைத்திருப்பதாகவும் கடற்படையினர் தெரிவித்துள்ளனர்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
