புத்தளத்தில் 4 பேருந்துகளுக்கு தீ வைப்பு: சந்தேகநபர்கள் தப்பியோட்டம்
Laksi
புத்தளம் - வென்னப்புவ பகுதியில் 4 பேருந்துகள் மர்ம நபர்களால் தீ வைத்து எரிக்கப்பட்டுள்ளதாக பொலிஸார் தெரிவித்துள்ளனர்.
குறித்த சம்பவமானது இன்று (20) அதிகாலை வென்னப்புவ ஏரி வீதியிலுள்ள வாகன பழுதுபார்க்கும் நிலையமொன்றில் இடம்பெற்றுள்ளது.
இதன்போது, பழுதுபார்ப்பதற்காக கொண்டுவரப்பட்ட 4 நவீன பேருந்துகளே எரிக்கப்பட்டுள்ளன.
மேலதிக விசாரணை
இந்த தீ விபத்தில் பேருந்து ஒன்று முற்றிலும் எரிந்து சேதமடைந்துள்ளதாக குறிப்பிடப்பட்டுள்ளது.
அத்தோடு, அருகில் இருந்த சிசிடிவி காணொளியை சோதனையிட்டபோது, சிலர் வந்து பேருந்துகளுக்கு தீ வைத்து விட்டு தப்பிச் சென்றது பதிவாகியுள்ளதாக தெரிவிக்கப்படுகின்றது.
மேலும், இந்த தீ விபத்தில் 3 கோடி ரூபாய் நட்டம் ஏற்பட்டுள்ளதுடன் இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.
நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
