புத்தளத்தில் ஆயிரக்கணக்கான போதை மாத்திரைகள் மீட்பு!
Puttalam
Sri Lanka Navy
Crime
By Laksi
Laksi
புத்தளம்- சேராக்குழி பகுதியில் பெருமளவான போதை மாத்திரைகள் கைப்பற்றப்பட்டுள்ளதாக தம்பபண்ணி கடற்படையினர் தெரிவித்துள்ளனர்.
கடற்படையினருக்குக் கிடைக்கப்பெற்ற தகவலுக்கமைய மேற்கொள்ளப்பட்ட தேடுதல் நடவடிக்கையின் போது குறித்த பகுதியிலுள்ள காட்டினுள் மறைத்து வைக்கப்பட்டிருந்த நிலையில் இந்த போதை மாத்திரைகள் மீட்கப்பட்டுள்ளதாக தெரிவிக்கப்படுகின்றது.
இதன்போது இரண்டு பெட்டிகளில் 3548 காட் வீதம் 35470 போதை மாத்திரைகள் கைப்பற்றப்பட்டுள்ளதாக குறிப்பிடப்பட்டுள்ளது.
விசாரணை
இதனையடுத்து, கைப்பற்றப்பட்ட போதை மாத்திரைகளை அழிப்பதற்கு நடவடிக்கைகளை முன்னெடுத்துள்ளதாக தம்பபண்ணி கடற்படையினர் தெரிவித்துள்ளனர்.
மேலும், சம்பவம் தொடர்பில் எவரும் கைது செய்யப்படவில்லை எனவும் இது தொடர்பில் விசாரணைகளை மேற்கொண்டு வருவதாகவும் தெரிவிக்கப்படுகின்றது.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
