மட்டக்களப்பில் விசேட சுற்றிவளைப்பு : சிக்கிய 12 சந்தேக நபர்கள்
Rakshana MA
மட்டக்களப்பு மாவட்டம் காத்தான்குடி மற்றும் மண்முனை பிரதேசங்களில் இன்று அதிகாலை, சிறப்பு அதிரடிச் சோதனைகள் முன்னெடுக்கப்பட்டன.
கிழக்கு மாகாண சிரேஷ்ட பொலிஸ் அதிபரின் பணிப்புரையின் பேரில், காத்தான்குடி பொலிஸ் நிலையப் பொறுப்பதிகாரி தலைமையில் 50 பொலிஸாரும், 6 விசேட அதிரடிப்படையினரும் இந்த நடவடிக்கையில் ஈடுபட்டனர்.
விசேட சுற்றிவளைப்பு
பல்வேறு குழுக்களாக பிரிக்கப்பட்ட இவர்கள், முக்கிய இடங்களை குறிவைத்து சோதனைகள் மேற்கொண்டனர்.
இந்த சோதனையின் போது, சட்டவிரோதமாக பயன்படுத்தப்படக்கூடிய வாகன இலக்கதகடுகள், பாதுகாப்பு தலைக்கவசங்கள், மற்றும் பக்கக் கண்ணாடிகள் இல்லாத 9 மோட்டார் சைக்கிள்கள் கைப்பற்றப்பட்டன.
இவை நீதிமன்றத்தில் முன்னிலைப்படுத்தப்படும் என பொலிஸார் தெரிவித்துள்ளனர்.
போதைப்பொருளுடன் கைது
மேலும், மதுபோதையில் வாகனம் ஓட்டிய 3 பேரும், பிடியாணையுடன் தேடப்பட்டு வந்த 4 பேரும் கைது செய்யப்பட்டுள்ளனர்.
இதற்கிடையில், ஐஸ் போதைப்பொருளுடன் 2 பேர் மற்றும் கஞ்சாவுடன் 3 பேர் கைது செய்யப்பட்டுள்ளதுடன், மொத்தமாக 12 பேர் போதைப்பொருள் குற்றச்சாட்டில் கைது செய்யப்பட்டுள்ளனர்.
சம்பவங்களைத் தொடர்ந்து, மேலதிக விசாரணைகள் காத்தான்குடி பொலிஸாரால் மேற்கொள்ளப்பட்டு வருகின்றன.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
