கிழக்கு ஆளுநரை சந்தித்து கலந்துரையாடிய இந்திய பிரதி உயர்ஸ்தானிகர்
Laksi
இலங்கைக்கான இந்திய பிரதி உயர்ஸ்தானிகர் கலாநிதி சத்தியஞ்சல் பாண்டே கிழக்கு மாகாண ஆளுநர் பேராசிரியர் ஜயந்த லால் ரத்னசேகரவை சந்தித்து கலந்துரையாடியுள்ளார்.
குறித்த கலந்துரையாடலானது நேற்றையதினம் (11) திருகோணமலை ஆளுநர் அலுவலகத்தில் இடம்பெற்றுள்ளது.
இதன்போது, இந்திய பிரதி உயர்ஸ்தானிகர் முதலில் புதிய ஆளுநருக்கு வாழ்த்துத் தெரிவித்ததோடு, கிழக்கு மாகாணத்தின் அபிவிருத்திக்கு இந்திய அரசாங்கத்தின் அதிகபட்ச ஆதரவை வழங்குவேன் எனவும் குறிப்பிட்டுள்ளார்.
இரு நாடுகளின் உறவு
அத்தோடு, சுகாதாரம், கல்வி, மீன்பிடி, விவசாயம் மற்றும் சுற்றுலாத்துறையின் அபிவிருத்திக்காக இலங்கை அரசாங்கத்துடன் இணைந்து நாம் செயல்படுவோம் அவர் தெரிவித்துள்ளார்.
இந்தநிலையில், தற்போதைய அரசாங்கத்தின் ஊழலுக்கு எதிரான மற்றும் வெளிப்படையான நிர்வாகத்தை இந்திய அரசாங்கம் மிகவும் நம்பிக்கையுடனும், மிகவும் பாராட்டுவதாகவும் இந்திய பிரதி உயர்ஸ்தானிகர் கூறியுள்ளார்.
மேலும், எதிர்காலத்தில் இலங்கை அரசாங்கத்துடனும் கிழக்கு மாகாணத்துடனும் இணக்கமாகச் செயற்படும் எனவும் இந்திய பிரதி உயர்ஸ்தானிகர் கலாநிதி சத்தியஞ்சல் பாண்டே உறுதியளித்துள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
