இஸ்லாம் கூறும் ஒட்டகம் - ஒரு விதிவிலக்கான அதிசயம்..!
Rakshana MA
நிச்சயமாக உங்களுக்கு (ஆடு, மாடு, ஒட்டகம் போன்ற) கால்நடைகளிலும் (தக்க) படிப்பினை இருக்கின்றது; அவற்றின் வயிற்றிலுள்ள சாணத்திற்கும், இரத்தத்திற்கும் இடையிலிருந்து கலப்பற்ற பாலை அருந்துபவர்களுக்கு இனிமையானதாக (தாராளமாகப்) புகட்டுகிறோம். (அல்குர்ஆன் : 16:66)
ஒட்டகம் தனக்குத் தேவையான தண்ணீரையும் சேமித்துக் கொள்கிறது என்பதை பற்றி 1,400 ஆண்டுகளுக்கு முன்பே புனித அல்-குர்ஆனில் சொல்லப்பட்டுள்ளன.
பாலைவனத்து அரபிகளால், இந்த ஒட்டகத்திற்கு 160க்கும் அதிகமான செல்லப் பெயர்கள் கொண்டு அழைக்கின்றனர்.
ஒட்டகம் இறைவனின் பரிசு
இதில் முக்கியமான பெயராக இறைவனின் பரிசு என்று அழைக்கப்படும், இந்த அதிசயப் பிராணி உணவும், நீரும் கிடைக்கும் பொழுது அதை திமிலாக்கிக்கொள்கிறது. இது சுமார் 45கிலோ எடை இருக்கும். அதில் அதிகமாக கொழுப்பு காணப்படும். இது உணவுத் தேவைக்காலத்திற்காக சேமித்து வைக்கின்றது.
உணவோ, நீரோ கிடைக்காத காலத்தில் அதன் திமிலின் கொழுப்பில் உள்ள ஹைட்ரஜனோடு அது சுவாசிக்கும் காற்றில் உள்ள ஆக்ஸிஜனை கலந்து நீராகவும், உணவாகவும் மாற்றிக் கொள்கிறது.
உணவு மட்டும் கிடைத்தால் போதும் நீரின் தேவையில்லாமல் ஒரு மாதம் காலம் பயணம் செய்யும். உணவோ, நீரோ கிடைக்காவிட்டால் கூட இரண்டின் தேவையில்லாமல் ஒரு வார காலம் பயணம் செய்யும் ஆற்றல் கொண்டுள்ளது.
அத்துடன் குளிர் காலங்களில் ஆறு மாத காலம் வரை கூட நீர் அருந்தாமல் வாழும். நீர் கிடைத்தால் 100 லிட்டர் தண்ணீரை 10 நிமிடங்களுக்குள் குடித்து விடும்.
குடிக்கும் நீரை இரத்தத்தின் சிவப்பு அனுக்களில் ஏற்றிக் கொள்கிறது அதற்காக அணுக்கள் அதன் உண்மையான அளவை விட 200 மடங்கு விரிந்து இடமளிக்கிறது (மற்ற மிருகங்கள், மனிதர்களுக்கு ஒரு மடங்கு விரிந்தால் போதும் வெடித்து விடும்) மேலும் இரப்பையில் உள்ள நீர் அறைகளிலும் (WATER CELLS) நீரை ஏற்றிக் கொள்கிறது.
மனிதனாகட்டும், மிருகமாகட்டும் எல்லாவற்றிற்கும் இர்த்தத்தின் சிவப்பு அணுக்கள் வட்ட வடிவமாக இருக்கும். ஆனால் ஒட்டகத்திற்கு மட்டும் முட்டை வடிவத்தில் (ROUND) காணப்படும்.
அதிசய உடற்கட்டமைப்பு
ஒட்டகம் ஒரு மாதம் நீர் அருந்தாமல் இருந்தால் கூட உடல் எடை 3கிலோ மட்டும் குறையும். இருப்பினும், ஒட்டகங்கள் நீரில்லாமல் 4-5 நாட்கள் மற்றும் சில நேரங்களில் 10 மாதங்கள் வரை வாழக்கூடிய திறனை கொண்டவை. ஆனால் மனிதர்களுக்கு 72 மணி நேரம் நீரில்லாமல் போனால் உடல் எடையில் 8கிலோ குறைந்து மரணத்திற்கான ஏற்பாடு ஆரம்பித்து விடும்.
மனிதர்களுக்கு உடல் எடையில் 12கிலோ நீர் குறைந்தாலே போதும் இறந்து விடுவார்கள். ஆனால் ஒட்டகம் 40கிலோ இழந்தால் கூட எந்த பாதிப்பும் இல்லாமல் வாழும்.
குட்டிப் ஈன்று பாலூட்டும் (மனிதன் உட்பட) பிராணிகளில் நீரிழைப்பை தாங்கி கொள்வதில் ஒட்டகத்திற்கு நிகராக வேறு எதுவுமில்லை.
நீரிழப்பினால் வறட்சி ஏற்படும் நேரத்தில் மற்ற பிராணிகளின், மனிதனின் இரத்தம் பாகு நிலைக்கு வந்து விடும். அதனால் இரத்த ஓட்டத்தின் வேகம் வெகுவாக குறைந்து விடும். இதன் காரணத்தால் வாழ தேவையான இதமான சூட்டை தோலுக்கு அளிக்க முடியாமல் சிரமப்பட நேரிடும்.
பிறகு சூட்டினால் வெடிப்பு மரணம் (EXPLOSIVE HEAT DEATH) நிகழ்ந்து விடும். ஆனால் ஒட்டகத்திற்கு மட்டும் அப்படி நேராது. ஏனென்றால் உடல் திசுக்களில் உள்ள நீர் மட்டும் குறையாது. நீரில்லாமல் இதன் இரத்தத்தில் நீர் அளவு குறையாது.
நீரில்லாமல் நீண்ட நாள் வறட்சி ஏற்பட்டு, நீண்ட இடைவெளிக்குப்பிறகு நீர் அருந்தினால், அது குறைந்த அளவாக இருந்தால் கூட மற்ற பிராணிகளுக்கு (மனிதன்) நீர் போதை (Water Intoxication) ஏற்பட்டு இறப்பு நிகழந்துவிடும். ஆனால் ஒட்டகம் வறட்சிக்குப் பிறகு நூற்றுக்கணக்கான லிட்டர் தண்ணீரும் குடிக்கும்.
வெப்பஉணர் திறன்
வெயிலின் சூடு 104 பாகைசெல்சியசை அடைந்தால் தான் ஒட்டகத்திற்கு வியர்வை வெளியேறும். அதன் உடல் அளவிற்கு அதிகமான வியர்வை சுரப்பிகள் இருக்கவேண்டும். ஆனால் வியர்வை சுரப்பிகள் மிகவும் குறைவாக காணப்படுவதே ஒரு தனித்தன்மையே ஆகும்.
மற்ற பிராணிகள் (மனிதன்) உடல் சூட்டை வியர்த்து குளிர்வித்துக் கொள்ளும். ஆனால் ஒட்டகம் மாத்திரம் பகல் வேளைகளில் வெப்பத்தை 12 பாகைசெல்சியஸ் வரை சேர்த்து வைத்துக் கொள்ளும்.
அதனால் அதன் சூட்டை வியர்க்க வைத்து வெளியேற்றாமல் இரவின் குளிரான காற்றை பயன்படுத்தி வெளியாக்கி விடுகிறது.
ஒட்டகத்திற்கு இருப்பது போல் சக்தி வாய்ந்த சிறுநீரகம் வேறு எதற்கும் கிடையாது. மனிதர்களுடைய சிறுநீரில் அதிகபட்சமாக தாது கழிவுகள் 8 சதவீதமும் 92 சதவீதம் நீரும் காணப்படும்.
ஆனால் ஒட்டகத்தின் சிறுநீரில் 40 சதவீதத்திற்கும் அதிகமான கழிவுகளும், குறைவான நீரும் இருக்கும் அந்த அளவிற்கு குறைவான நீரைக் கொண்டு அதன் சிறுநீரகம் கழிவை வெளியேற்றும் சத்தி வாய்ந்தது.
மிகவும் குறைந்த அளவு சிறுநீர் கழிக்கும் பழக்கம் உள்ள பிராணி இதுவே, இதுவே மனிதர்களுடைய சிறுநீரமாக இருந்தால் செயற்பாட்டை நிறுத்தி இருக்கும்.
மேலும் ஒட்டகத்தின் உடம்பில் புரோட்டின் என்ற சத்து குறைய ஆரம்பித்தால் சிறுநீரில் வெளியாகும் யூரியா என்ற கழிவின் அளவை குறைத்துக் கொண்டு அதை (Microbial Synthesis) புரோட்டீனோடு கலந்து சக்தியாக மாற்றி விடுகிறது.
உடல் நீர்...
மற்ற பிராணிகளின் (மனிதன்) மலம் காய்வதற்கு குறைந்தபட்சமாக இரண்டு நாட்கள் வேவைப்படும். ஆனால் ஒட்டகத்தின் மலத்தை, ஒரு சில மணி நேரத்தில் பற்றவைத்து விடலாம், என்ற அளவிற்கு நீரே கலக்காமல் சக்கையை மட்டும் வெளியேற்றும் சக்தி வாய்ந்தது.
நம்முடைய மூச்சை ஒரு கண்ணாடியில் மேல் விட்டு நோக்கினால் அங்கே ஈரம் படர்வதை காணலாம். மனிதர்கள் 1-லீட்டர் காற்றை சுவாசித்து வெளியேற்றினார்கள் என்றால் 16 மில்லி கிராம் நீரை இழப்பார்கள். ஆனால் ஒட்டகத்தின் மூச்சில் ஈரம் மிகவும் குறைவாக காணப்படும். ஏனென்றால் மற்ற எதற்குமில்லாத விசேட மூக்கமைப்பு தான் இதன் காரணம்.
அதன் மூக்கிற்குள் அமைந்திருக்கும் இடுக்கான திசு அமைப்புகள், அது சுவாசித்து வெளியேற்றும் காற்றில் உள்ள ஈரத்தில் மூன்றில் இரண்டு பகுதியை வெளியேறி விடாமல் தடுத்து விடுகிறது.
மேலும் அதன் மூக்கிலிருந்து வழியும் சளியைக் கூட அதன் மூக்கின் அமைப்பு உதட்டின் மேல் வெடிப்பு வழியா மீண்டும் வாய்க்குள் அனுப்பிவிடுகிறது.
பல மைல்களுக்கு அப்பால் உள்ள நீரை கூட மோப்ப சத்தியால் அறிந்து கொள்ளும் அளவுக்கு அதன் மூக்கு சக்தி வாய்ந்தது.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
