மின்வெட்டு நேரம் தொடர்பில் வெளியான அறிவிப்பு
Rakshana MA
இலங்கையில் மின்வெட்டு எந்த முறையில் நடைமுறைக்கு வரும் என்பது தொடர்பில், இலங்கை மின்சார சபை புதிய அறிவித்தல் ஒன்றை வெளியிட்டுள்ளது.
இதன்படி, நாட்டிலுள்ள அனைத்து பிராந்தியங்களுக்கும் எவ்வாறு மின்தடை இடம்பெறும் என்பது குறித்து அறிந்து கொள்ள புதிய முறைமையை இலங்கை மின்சார சபை நடைமுறைப்படுத்தியுள்ளது.
இடம்பெறும் முறை குறித்து அறிய..
மேலும், மின்சார சபையின் தொலைபேசி செயலி மூலம் அல்லது 1987 என்ற தொலைபேசி எண்ணுக்குக் குறுஞ்செய்தி அனுப்புவதன் மூலம் மின்வெட்டு இடம்பெறும் முறை குறித்து அறிந்துகொள்ள முடியும் என்று கூறப்பட்டுள்ளது.
இதேவேளை, மின்சார சபையால் அறிமுகப்படுத்தப்பட்ட https://dm.ceb.lk என்ற இணையதளத்திற்கு பிரவேசிப்பதன் மூலமும் மின்வெட்டு இடம்பெறும் முறை குறித்து அறிந்துகொள்ள முடியும் என இலங்கை மின்சார சபை சுட்டிக்காட்டியுள்ளது.
அத்துடன், மின்வெட்டு தற்போதையை நிலைமையை கருத்திற் கொண்டு, இன்று(11.02.2025) ஒன்றரை மணி நேரம் மின்வெட்டு நடைமுறைப்படுத்தப்படும் என இலங்கை மின்சார சபை அறிவித்திருந்தது.
மின்வெட்டு நடைமுறை..
இதன்படி, பிற்பகல் 3.30 மணி முதல் இரவு 9.30 மணிக்கு இடைப்பட்ட காலப்பகுதியில், இவ்வாறு ஒன்றரை மணிநேரம் மின்வெட்டு நடைமுறைப்படுத்தப்படும் என அறிவிக்கப்பட்டுள்ளது.
மேலும், நுரைச்சோலை நிலக்கரி அனல் மின் நிலையம் மீண்டும் தேசிய மின் கட்டமைப்புடன் இணைக்கப்படும் வரை இந்த மின்வெட்டு தொடரலாம் என்று எதிர்பார்க்கப்படுகின்றது.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
