திருகோணமலையில் மகளிர் பாதுகாப்புக்கான டிஜிட்டல் சேவை பட்டியல் திட்டம்
H. A. Roshan
பாலின சமத்துவத்தின்மையின் அடிப்படையில் அதனை சந்திக்கும் அல்லது சந்திக்கும் அபாயத்தில் இருக்கும் குடும்பங்கள் மற்றும் பிள்ளைகளுக்கான பல்துறை சேவை வழங்குநர்களின் டிஜிட்டல் சேவை பட்டியலை தயாரிக்கும் நிகழ்வு
இன்று (15) திருகோணமலை (Trincomalee) மாவட்ட செயலக பிரதான மாநாட்டு மண்டபத்தில் நடைபெற்றது.
ஐக்கிய நாடுகள் மக்கள் நிதியத்தின் (UNFPA) ஒத்துழைப்புடன் மற்றும் மகளிர் மற்றும் சிறுவர் விவகார அமைச்சின் மேற்பார்வையில், திருகோணமலை மாவட்ட மகளிர் அபிவிருத்தி அதிகாரி ஸ்வர்ணா தீபானியால் இந்த நிகழ்வு ஏற்பாடு செய்யப்பட்டது.
டிஜிட்டல் சேவை பட்டியல் திட்டம்
திருகோணமலை மாவட்ட செயலாளர் டபிள்யு.ஜீ.எம்.ஹேமந்த குமாரவின் தலைமையில் நடைபெற்ற இந்நிகழ்வில் அவர் கூறுகையில், தற்போதைய காலத்தில் பெண்கள் மற்றும் குழந்தைகள் வன்முறைக்கு உள்ளாகும் அபாயம் மிக அதிகமாக உள்ளது.
அதற்குரிய பொறுப்புள்ள நிறுவனங்கள் மற்றும் அதிகாரிகளின் ஒருங்கிணைப்பு, தலையீடு மற்றும் விரைவு பதில்கள் மூலம் இந்த அபாயங்களை தடுப்பதற்கு மற்றும் நிகழக்கூடிய சேதத்தை மிக குறைவாக கொண்டு வருவதற்கு முடியும் என்றும் தெரிவித்தார்.
இந்த நிகழ்வின் முதன்மை நோக்கம் திருகோணமலை மாவட்டத்திற்குரிய பெண்கள் மற்றும் சிறுவர்கள் தொடர்பான பங்கேற்பாளர்களின் ஒத்துழைப்புடன் பல்துறை சேவை வழங்குநர்களின் டிஜிட்டல் சேவை பட்டியலை உருவாக்குவதே ஆகும்.
மேலும், இந்த நிகழ்வில் பிரதேச செயலகங்களில் கடமையாற்றும் மகளிர் அபிவிருத்தி அதிகாரிகள், பொலிஸ் பிரிவின் மகளிர் பிரிவு அதிகாரிகள், சுகாதார வைத்திய அதிகாரி அலுவலக அதிகாரிகள், பெண்கள் தொடர்பான அரச மற்றும் அரச சார்பற்ற அமைப்புகளின் பிரதிநிதிகள் உள்ளிட்ட பலர் கலந்து கொண்டனர்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
