மட்டக்களப்பில் அத்தாட்சிப்படுத்தும் அலுவலர்களுக்கான பயிற்சி வகுப்பு
Laksi
மட்டக்களப்பில் தபால் மூல வாக்களிப்பு தொடர்பில் அத்தாட்சிப்படுத்தும் அலுவலர்களுக்கான பயிற்சி வகுப்பு இடம்பெற்றுள்ளது.
இந்த பயிற்சியானது மட்டக்களப்பு மாவட்ட தேர்தல் அலுவலக பிரதி ஆணையாளர் எஸ்.எம்.சுபியான் தலைமையில் மாவட்ட செயலகத்தில் நடைபெற்றுள்ளது.
இந்தநிலையில், தபால் மூல வாக்களிப்பின் போது அத்தாட்சிபடுத்தும் அதிகாரிகளுக்கான பொறுப்புகளும் அவர்களது கடமைகளும் சம்பந்தமாக வாக்களிப்பின் போது ஏற்படும் சட்டரீதியான சிக்கல்கள் போக்குவரத்து பாதுகாப்பு சம்பந்தமான விதிமுறைகள் பற்றியும் இங்கு கலந்து கொண்டவர்களுக்கு விரிவான விளக்கங்கள் மாவட்ட அரசாங்க அதிபரும், மாவட்ட தேர்தல் தெரிவித்தாட்சி அதிகாரியுமான ஜே.ஜேமுரளிதரனால் வழங்கி வைக்கப்பட்டது.
அறிவுறுத்தல்கள்
இதன்போது முதன்முறையாக பணியாற்றவிருக்கும் அதிகாரிகளுக்கு விசேட கவனம் செலுத்தி அவர்களுக்கான அறிவுரைகளும் இங்கு வழங்கப்பட்டன.
தபால் மூல வாக்களிப்பின் போது வாக்காளரை அத்தாட்சி படுத்தல் வாக்காளர்களுக்கு தேவையான வசதிகளை செய்து கொடுத்தல் வாக்களிப்பின் இறுதியில் வாக்கச்சீட்டுகளை பாதுகாப்பாக தேர்தல் திணைக்களத்துக்கு அனுப்பி வைத்தல் சம்பந்தமாகவும் தேர்தல் கடமையில் ஈடுபடவுள்ள அத்தாட்சிப்படுத்தும் அதிகாரிகளுக்கு இங்கு அறிவுறுத்தல்கள் வழங்கி வைக்கப்பட்டன.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
