இரத்தினபுரியில் போலி ஆவணங்கள் மற்றும் போதைப்பொருளுடன் ஒருவர் கைது

இரத்தினபுரி பிரதேசத்தில் கொடகவெல பொலிஸ் பிரிவுக்கு உட்பட்ட கல்பாய பகுதியில் போலியாக தயாரிக்கப்பட்ட மோட்டார் வாகன பதிவு சான்றிதழ்கள் மற்றும் போதைப்பொருளுடன் சந்தேக நபர் ஒருவர் கைது செய்யப்பட்டுள்ளார்.

குறித்த நபர், நேற்று (8) கைது செய்யப்பட்டுள்ளதாக கொடகவெல பொலிஸார் தெரிவித்துள்ளனர்.

கொடகவெல பொலிஸாருக்கு கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர் கைது செய்யப்பட்டுள்ளார்.

மேலதிக விசாரணை

 சம்பவம் தொடர்பில் கல்பாய, பல்லேபெத்த பகுதியைச் சேர்ந்த 46 வயதுடைய நபரொருவரே இவ்வாறு கைது செய்யப்பட்டுள்ளார்.

இதன்போது, சந்தேக நபரிடமிருந்து போலியாக தயாரிக்கப்பட்ட மோட்டார் வாகன பதிவு சான்றிதழ்கள் 7 மற்றும் 3 கிராம் 420 மில்லி கிராம் ஐஸ் போதைப்பொருள் என்பன கைப்பற்றப்பட்டுள்ளன.

மேலும், கைது செய்யப்பட்ட சந்தேக நபர் மோட்டார் சைக்கிள் திருட்டு சம்பவமொன்றுடன் தொடர்புடையவர் என பொலிஸ் விசாரணையில் தெரியவந்துள்ள நிலையில், இது தொடர்பான மேலதிக விசாரணைகளை கொடகவெல பொலிஸார் மேற்கொண்டு வருகின்றனர்.