தம்பலகாமத்தில் வடக்கு, கிழக்கு பருவ பெயர்ச்சி மழை தொடர்பில் முன்னாயத்த கலந்துரையாடல்
Laksi
திருகோணமலை - தம்பலகாமத்தில் வடகிழக்கு பருவ பெயர்ச்சி மழை மற்றும் அனர்த்தம் தொடர்பிலான முன்னாயத்த குழு கூட்டம் நடைபெற்றுள்ளது.
குறித்த கூட்டமானது இன்று (29) தம்பலகாமம் பிரதேச செயலக மண்டபத்தில் அனர்த்த முகாமைத்துவ மத்திய நிலைய ஒருங்கமைப்பில் பிரதேச செயலாளர் ஜெ.ஸ்ரீபதி தலைமையில் இடம்பெற்றுள்ளது.
முன்னாயத்த நடவடிக்கைகள்
இதன்போது, மழை காலங்களில் வெள்ள அனர்த்தம் ஊடாக ஏற்படும் கிராம சேவகர் பிரிவுகளில் இருந்து அடையாளப்படுத்தப்பட்ட, பல வடிகான் பிரச்சினைகள், நீரை வெளியேற்றுவதற்கான நடவடிக்கைகள் தொடர்பில் முன் ஆயத்தம் தொடர்பிலும் கலந்துரையாடப்பட்டன.
இந்த நிகழ்வில் உதவி பிரதேச செயலாளர் இரா.பிரசாந்தன், பிரதி திட்டமிடல் பணிப்பாளர் ஐ.முஜீப், முள்ளிப்பொத்தானை இரானுவ முகாம் இரானுவ அதிகாரி, பொலிஸ் நிலைய பொறுப்பதிகாரி, கிராம உத்தியோகத்தர்கள் உட்பட பலர் கலந்து கொண்டிருந்தமை குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
