நேபாளத்தில் விபத்துக்குள்ளான விமானம் : பலர் உயிரிழப்பு
Laksi
நேபாளத்தில் (Nepal) விமானம் விபத்துக்குள்ளாகியதில் 18 பேர் உயிரிழந்துள்ளதாக சர்வதேச ஊடகங்கள் செய்தி வெளியிட்டுள்ளன.
குறித்த விபத்தானது இன்று (24) காலை 11 மணி அளவில் இடம்பெற்றுள்ளதாக தெரிவிக்கப்படுகின்றது.
நேபாளம் நாட்டின் தலைநகர் காத்மண்டுவில் உள்ள திருபுவன் சர்வதேச விமான நிலையத்தில் இருந்து போக்ரா நோக்கி புறப்பட்ட விமானமே இவ்வாறு விபத்துக்குள்ளாகியுள்ளது.
18 பேர் பலி
சௌரியா ஏர்லைன்ஸ்-க்கு சொந்தமான விமானம் போக்கராவுக்கு செல்ல மேல் எழும்பிய போது விபத்தில் சிக்கியுள்ளது.
இதனையடுத்து, விமானத்தில் பயணம் செய்தவர்களில் 18 பேர் உயிரிழந்ததாக தகவல் வெளியாகி உள்ளது.
மீட்பு பணி
அத்தோடு, விமானத்தை இயக்கிய விமானி அருகாமையில் உள்ள மருத்துவமனையில் சிகிச்சைக்காக அனுமதிக்கப்பட்டுள்ளதாக தெரிவிக்கப்படுகின்றது.
இதனையடுத்து, சம்பவ இடத்திற்கு விரைந்த தீயணைப்பு துறையினர் மற்றும் பொலிஸார் விமானத்தில் ஏற்பட்ட தீயை கட்டுப்படுத்தியுள்ளதுடன் மீட்பு பணிகளில் ஈடுபட்டு வருகின்றமை குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
