இலங்கை வந்த இந்திய மீட்பு குழுவினர்!

நிலவும் சீரற்ற காலநிலை காரணமாக இலங்கை மக்களுக்கு உதவுவதற்காக இந்திய மீட்பு பணிக் குழுவினர் இலங்கைக்கு வந்துள்ளனர்.

இந்திய விமானம் மூலம் இந்த குழுவினர் இன்று (29) அதிகாலை இலங்கையை வந்தடைந்துள்ளனர்.

பாதிக்கப்பட்ட மக்கள்

இதில் நான்கு பெண்களும் 76 ஆண்களும் அடங்குவதுடன் நான்கு மோப்ப நாய்களும் இந்த குழுவில் உள்ளடக்கப்பட்டுள்ளதாக தெரிவிக்கப்பட்டுள்ளது.

நாட்டில் நிலவும் மோசமான வானிலை காரணமாக பாதிக்கப்பட்ட மக்களை விரைவில் மீட்கும் நோக்குடன் இந்த குழுவினர் இலங்கைக்கு வந்துள்ளனர்.

அவர்கள் அனர்த்த நிவாரண உபகரணங்களையும் கொண்டு வந்துள்ளதாக தெரிவிக்கப்பட்டுள்ளது.