இஸ்ரேல் தடுத்து நிறுத்தியது போதும் ஒரு கப்பல் காசாவுக்கு பயணித்துக்கொண்டிருக்கிறது.
Faarika Faizal
இஸ்ரேலின் தாக்குதலுக்கு உள்ளாகும் காசா மக்களுக்கு மனிதாபிமான உதவிகளை வழங்குவதற்காக Global Sumud இன், முதற்கட்டமாக நாற்பது கப்பல்களில் 500க்கும் மேற்பட்டவர்கள் சென்றிருந்தனர்.
இதில் சில கப்பல்களை இஸ்ரேலிய இராணுவம் தடுத்து நிறுத்தியது மட்டுமல்லாது தொண்டூழியர்களையும் கைது செய்தது.
எனினும் தற்போது ஒரு கப்பல் பாலஸ்தீன உறைவிடத்தை நோக்கி தொடர்ந்து பயணித்துக்கொண்டிருப்பதாக வெளிநாட்டு ஊடகங்கள் செய்தி வெளியிட்டுள்ளன.
காசா பயணிக்கும் கப்பல்
இன்று அதிகாலை நிலவரப்படி, ஆறு பேர் கொண்ட குழுவினர் போலந்துக் கொடியுடன் கூடிய மரினெட், தொடர்ந்து பயணித்துக்கொண்டிருப்பதாக தெரிவிக்கப்படுகிறது.
வியாழக்கிழமை இரவு ஃப்ளோட்டிலா அமைப்பாளர்களுடன் வீடியோ அழைப்பு மூலம் பேசிய ஆஸ்திரேலிய கேப்டன், தன்னை கேமரூன் என்று மட்டுமே அடையாளம் காட்டிக் கொண்டார், கப்பலில் ஆரம்பத்தில் இயந்திர சிக்கல்கள் இருந்ததாகவும், அதனால் அது முக்கிய குழுவை விட பின்தங்கியிருப்பதாகவும் விளக்கினார். கப்பல் இப்போது காசாவை நோக்கி வேகமாக செல்கிறது என்று கேமரூன் மேலும் கூறினார்.
இஸ்ரேல் முன்னர் தன்னார்வலர்கள் சட்டபூர்வமான கடற்படை முற்றுகையை மீற முயற்சிப்பதாக குற்றம் சாட்டி, இது சர்வதேச சட்டத்திற்கு எதிரானது எனவும் மேலும் அவர்களைத் தடுக்க தேவையான அனைத்தையும் தாம் செய்வதாகவும் இஸ்ரேலிய இராணுவம் எச்சரித்திருந்தது எனவும் தெரிவிக்கப்பட்டுள்ளது.
பாலஸ்தீனப் பகுதிக்கு பொருட்களை வழங்க இதுவரை முயற்சிக்காத மிகப்பெரிய கடற்படை உதவிப் பணியாக, Global Sumudஇன் கடற்படை உலகளாவிய கவனத்தை ஈர்த்துள்ளது.
மேலும் படகுகள் பறிமுதல் செய்யப்பட்டதற்கு உலகளாவிய கண்டனம் மற்றும் உலகளவில் எதிர்ப்புக்கள் எழுந்துள்ளன எனவும் செய்திகள் வெளியாகியுள்ளது.
