ஏறாவூர் இஹ்லாஸ் பாலர்பாடசாலை முன்பள்ளி விடுமுறைக் கொண்டாட்டம்
Rakshana MA
மட்டக்களப்பு ஏறாவூர் மிராகேணி பிரதேசத்தில் உள்ள இஹ்லாஸ் பாலர் பாடசாலையின் 2024ம் ஆண்டிற்கான மாணவர்களின் விடுகை விழா பாடசாலை தலைவர் ஐ.டி.அப்துல் ரகுமான் தலைமையில் வெகு விமர்சையாக இடம்பெற்றுள்ளது.
இவ்விடுகை விழாவானது நேற்று (09) ஏறாவூர் மாக்கான் மாக்கார் தேசிய பாடசாலையின் கேட்போர் கூடத்தில் நடைபெற்றுள்ளது.
குறித்த விடுகை விழா நிகழ்வில் மாணவர்களுக்கு பரிசுப் பொதிகளும் வழங்கப்பட்டுள்ளன.
முன்பள்ளி விடுகை விழா
இந்நிகழ்வுக்கு பிரதம அதிதிதியாக பொலன்னறுவை மாவட்ட உள்ளுராட்சி உதவி ஆணையாளர் ஜே.எம்.அமீன் கலந்து சிறப்பித்ததுடன் கௌரவ அதிதிகளாக மட்டக்களப்பு மத்தி கல்வி வலயத்தின் முன்பள்ளிக்கான உதவிக்கல்விப் பணிப்பாளர் ஏ.எல் .பாறூக், ஏறாவூர் நகரசபையின் செயலாளர் எம்.எச்.எம்.ஹமீம்,மாக்கான் மாக்கார் தேசிய பாடசாலையின் அதிபர் எம்.எம்.தாஹா ஹுசைன் மற்றும் இலங்கை போக்குவரத்து சபையின் ஏறாவூர் சாலை அத்தியட்சகர் எம்.எம்.செய்னி உட்பட பல முக்கியஸ்தர்கள் கலந்து சிறப்பித்துள்ளனர்.
பாலர் பாடசாலை மாணவர்களின் கலை நிகழ்ச்சிகள் நிகழ்வினை அலங்கரித்ததுடன் மாணவர்களுக்கு பாராட்டும், பரிசும் அதிதிகளினால் வழங்கப்பட்டமை குறிப்பிடத்தக்கது .
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
