சீன அரசினால் இலங்கைக்கு 30 மில்லியன் ரூபாய் நிதி உதவி!
Rakshana MA
இயற்கை அனர்த்தங்களினால் பாதிக்கப்பட்ட இலங்கை மக்களுக்கு சீன அரசாங்கம் 30 மில்லியன் ரூபாய் நிதி உதவி அனுப்பியுள்ளதாக ஜனாதிபதி ஊடகப்பிரிவு தெரிவித்துள்ளது.
2024 ஆம் ஆண்டு ஜனவரி மாதம் 01 ஆம் திகதி முதல் ஒக்டோபர் மாதம் 30 ஆம் திகதி வரை நாட்டில் ஏற்பட்ட அனர்த்தங்களுக்காக நிதி கொடுக்கப்பட்டுள்ளதாக குறிப்பிட்டுள்ளது.
புனரமைப்புக்கான நிதி ஒதுக்கீடு
மேலும், இக் காலப்பகுதியில் ஏற்பட்ட அனர்த்தத்தினால் பாதிக்கப்பட்ட மக்கள், சேதமடைந்த வீடுகள் மற்றும் சேதமடைந்த சொத்துக்கள் என அனைத்திற்கும் இழப்பீடு வழங்குவதற்காகவே குறித்த நிதி அனுப்பி வைக்கப்பட்டுள்ளது என சுட்டிக்காட்டியுள்ளது.
இதேவேளை இயற்கை அனர்த்தங்களினால் சேதமடைந்த மக்களின் வீடுகளைப் புனரமைப்பதற்காக தேசிய பாதீட்டுத் திணைக்களத்திலிருந்து பாதுகாப்பு அமைச்சுக்கு மேலதிக நிதி ஒதுக்கீடும் செய்யப்பட்டுள்ளது.
திறைசேரி செயற்பாட்டுத் திணைக்களம் அந்த நிதியை உடனடியாக நடைமுறைக்கு வரும் வகையில் பாதுகாப்பு அமைச்சுக்கு வழங்கியுள்ளதாகத் தெரிவிக்கப்பட்டுள்ளமை குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
