வாழைச்சேனையில் மீட்கப்பட்டுள்ள 19 வயது இளைஞனின் சடலம்
Batticaloa
Sri Lankan Peoples
Eastern Province
By Rakshana MA
Rakshana MA
வாழைச்சேனை பொலிஸ் பிரிவிற்குட்பட்ட மியான்குள காட்டுப் பாதையில் மாடு மேய்க்கச்சென்ற 19 வயது இளைஞன் ஒருவர் இன்று திங்கட்கிழமை (27) சடலமாக மீட்கப்பட்டுள்ளதாக பொலிஸார் தெரிவித்துள்ளனர்.
சடலமாக மீட்கப்பட்ட இளைஞன் 19வயதுடைய வட்டவான் பகுதியைச் சேர்ந்த ஜீவேந்திரன் சினேஜன் என தெரியவந்துள்ளது.
விசாரணை
இந்த நிலையில், குறித்த இளைஞனுடன் 3 பேர் நேற்று(26) ஞாயிற்றுக்கிழமை குறித்த பகுதியில் மாடு மேய்க்கச் சென்றுள்ள நிலையில், சம்பவதினமான இன்று மலம்கழிக்க சென்ற நிலையில் அவர் அங்கு வீழ்ந்து உயிரிழந்துள்ளதாக பொலிஸாரின் ஆரம்பகட்ட விசாரணையில் தெரியவந்துள்ளது.
இதனையடுத்து குறித்த சடலம் பிரேத பரிசோதனைக்காக வாழைச்சேனை ஆதார வைத்தியசாலையில் ஒப்படைத்துள்ளனர். இது தொடர்பான மேலதிக விசாரணைகளை வாழைச்சேனை பொலிஸார் மேற்கொண்டுவருகின்றனர்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
