பாடசாலை மாணவர்களுக்கு போதைப்பொருள் விநியோகம்: ஒருவர் கைது

கடவத்தை பொலிஸ் பிரிவுக்கு உட்பட்ட கொனஹேன பகுதியில் பாடசாலை மாணவர்களை இலக்கு வைத்து போதைப்பொருள் விற்பனையில் ஈடுபட்ட பெண் ஒருவர் கைது செய்யப்பட்டுள்ளார்.

குறித்த கைது நடவடிக்கையானது பொலிஸ் விசேட அதிரடிப்படையினரால் நேற்று (21) மேற்கொள்ளப்பட்டுள்ளது.

சம்பவம் தொடர்பில் வேபட பிரதேசத்தைச் சேர்ந்த 44 வயதுடைய பெண்ணொருவரே கைது செய்யப்பட்டுள்ளார்.

போதைப்பொருள் விற்பனை

சந்தேகநபரிடமிருந்து 230 போதை மாத்திரைகள் கைப்பற்றப்பட்டுள்ளதாக தெரியவருகிறது. 

மேலும்,  கைது செய்யப்பட்ட சந்தேகநபர் மேலதிக விசாரணைகளுக்காக கடவத்தை பொலிஸ் நிலையத்தில் ஒப்படைக்கப்பட்டுள்ளதாக குறிப்பிடப்பட்டுள்ளது.