ரிஷாட் பதியுதீன் வெற்றிக்கிண்ண கரப்பந்தாட்ட சுற்றுப்போட்டியின் இறுதிநாள் நிகழ்வு

மன்னார், தாராபுரம் அல் - ஜின்னா விளையாட்டுக்கழகத்தின் ஏற்பாட்டில் இடம்பெற்ற 'ரிஷாட் பதியுதீன் வெற்றிக்கிண்ண கரப்பந்தாட்ட சுற்றுப்போட்டியின்' இறுதிநாள் நிகழ்வு நடைபெற்றுள்ளது.

குறித்த நிகழ்வானது கடந்த ஞாயிற்றுக்கிழமை (07) தாராபுர கரப்பந்தாட்ட மைதானத்தில் இடம்பெற்றது.

வெற்றிபெற்ற அணி

இந்நிகழ்வில், அகில இலங்கை மக்கள் காங்கிரஸ் தலைவரும் நாடாளுமன்ற உறுப்பினருமான ரிஷாட் பதியுதீன் பிரதம அதிதியாகக் கலந்துகொண்டு, வெற்றிபெற்ற அணிக்கான கிண்ணத்தையும் பணப்பரிசில்களையும் வழங்கி வைத்தார்.

இதன்போது, முன்னாள் வட மாகாண சபை உறுப்பினர் ரிப்கான் பதியுதீன், முன்னாள் பிரதேச சபை உறுப்பினர் உவைஸ், இணைப்பாளர் முனவ்வர், வனப்பாதுகாப்பு உத்தியோகத்தர் றிபாயிஸ், நஜிமுதீன், சஹாப்தீன், விளையாட்டுக்கழகத்தின் முக்கியஸ்தர்கள், விளையாட்டு வீரர்கள், கட்சியின் முக்கியஸ்தர்கள், பொதுமக்கள் என பலரும் கலந்து கொண்டனர்.