வவுனியாவில் மட்டுப்படுத்தப்பட்ட தபால் சேவைகள்

வவுனியா தபால் நிலையத்தில் மட்டுப்படுத்தப்பட்ட சேவைகள் மாத்திரம் இன்று இடம்பெற்றிருந்தது.

இலங்கை முழுவதும் பல்வேறு தொழிற்சங்கத்தினர் சுகயீன விடுமுறையில் பணிப்பகிஸ்கரிப்பில் ஈடுபட்டிருக்கும் நிலையில் வவுனியா தபால் நிலையத்தில் இந்த நிலை ஏற்பட்டுள்ளது.

தபால் நிலையத்தின் முன் அரங்க செயல்பாடான முத்திரை வழங்கல், தந்தி சேவைகள், மின்கட்டணம் மற்றும் தண்டப்பணம் செலுத்தும் செயற்பாடுகள் உட்பட வயோதிபர்களுக்கான கொடுப்பவுகள் வழங்கும் திட்டமும் இன்றைய தினம் இடம்பெற்றுள்ளது.

தபால் விநியோக செயற்பாடுகள்

இருந்த போதிலும் தபால் விநியோக செயற்பாடுகள் முற்றாக முடங்கி காணப்பட்டிருந்தது.

இந்நிலையில் பல அரச உத்தியோகத்தர்கள் இன்று சுகயீனம் என தமது அலுவலகங்களுக்கு தந்தி மூலமாக தகவல் வழங்குவதற்கு வருகை தந்திருந்தமையும் குறிப்பிடத்தக்கது.