பதுளையில் கோர விபத்து: மூவர் படுகாயம்

பதுளை (Badulla) - ஸ்பிரிங்வெளி வீதியில் முச்சக்கரவண்டி விபத்தில் மூன்று பேர் படுகாயமடைந்துள்ளதாக தெரிவிக்கப்படுகின்றது.

குறித்த விபத்தானது இன்று (13) சனிக்கிழமை காலை இடம்பெற்றுள்ளதாக பதுளை காவல்துறையினர் குறிப்பிட்டுள்ளனர்.

மேலதிக விசாரணை

விபத்து தொடர்பில் மேலும் தெரியவருகையில், வீதியில் பயணித்த முச்சக்கரவண்டி ஒன்று திடீரென வேகக் கட்டுப்பாட்டை இழந்து, வீதியை விட்டு விலகி பள்ளத்தில் வீழ்ந்ததில் இந்த விபத்து இடம்பெற்றுள்ளது.

விபத்தின் போது முச்சக்கரவண்டியில் பயணித்த மூவர் படுகாயமடைந்துள்ளதாக காவல்துறையினர் தெரிவித்துள்ளனர்.

மேலும், காயமடைந்தவர்கள் பதுளை போதனா வைத்தியசாலையில் (Badulla Teachng Hospital) அனுமதிக்கப்பட்டுள்ள நிலையில் இது தொடர்பான மேலதிக விசாரணைகளை பதுளை காவல்துறையினர் மேற்கொண்டு வருகின்றனர்.