மலேசியாவிற்கு விஜயம் செய்துள்ள செந்தில் தொண்டமான்

மலேசிய நாடாளுமன்றத்திற்கு கிழக்கு மாகாண ஆளுநரும், இலங்கை தொழிலாளர் காங்கிரசின் தலைவருமான செந்தில் தொண்டமானுக்கு அழைப்பு விடுக்கப்பட்டுள்ளது.

மலேசியத் தமிழ் அரசியல்வாதி டட்டுக் ஸ்ரீ சரவணன் முருகனின் அழைப்பின் பேரில் அவர் இன்று (08) மலேசியாவிற்கு உத்தியோகபூர்வ விஜயம் மேற்கொண்டுள்ளார்.

மூவின மக்கள் 

மூவின மக்கள் வாழும் நாடான இலங்கையில், மூவின மக்களுக்கும் பாரபட்சம் இன்றி சிறந்த தலைமைத்துவத்தை வழங்கும் தலைவர் என்ற ரீதியில் ஆளுநர் செந்தில் தொண்டமானுக்கு இந்த விசேட அழைப்பு விடுக்கப்பட்டுள்ளது.

மலேசியா பல்லின மக்கள் வாழும் ஒரு நாடு. அங்குள்ள இந்தியா வம்சாவளி தமிழர்களுடன், மூவின மக்களும் ஒன்றாக வாழ தான் முன்னெடுத்த வழிமுறைகள் குறித்தும், தனது தலைமைத்துவ பண்புகள் மற்றும் தொடர் வேலைத்திட்டம் குறித்து அவர் கலந்துரையாடவுள்ளதாக தெரிவிக்கப்படுகின்றது.