கொழும்பிற்கு கொண்டுவரப்பட்டுள்ள சாந்தனின் பூதவுடல்

சாந்தனின் உடல் இன்று காலை கொழும்பு கட்டுநாயக்க விமான நிலையத்தை வந்தடைந்துள்ளதாக தெரியவருகிறது. 

இதனை தொடர்ந்து சாந்தனின் உடல் கொழும்பில் இருந்து யாழ்ப்பாணம் கொண்டு செல்லப்படவுள்ளதாக தகவல்கள் தெரிவிக்கின்றன.

இறுதிக்கிரியை

சாந்தனின் உடல் யாழ்ப்பாணத்தை சென்றடைந்ததும், அங்குள்ள தனியார் மலர்சாலையில் அவரது பூதவுடல் வைக்கப்பட்டு எதிர்வரும் ஞாயிற்றுக்கிழமை உடுப்பிட்டியில் உள்ள அவரது இல்லத்துக்கு எடுத்துச் செல்லப்பட்டு பின்னர் அடக்கம் செய்யப்படவுள்ளதாக கூறப்படுகிறது.

எனினும் இறுதிக்கிரியைகள் தொடர்பான தகவல்கள் குறித்து இதுவரை எதுவும் தெரியவரவில்லை.

சாந்தனின் உடலை கையளிப்பதற்காக சட்டத்தரணி புகழேந்தியும் சென்னையில் இருந்து இலங்கைக்கு வந்தடைந்துள்ளமை குறிப்பிடத்தக்கது.