ஈரானுக்கு ஆதரவளிக்கும் இஸ்ரேலின் அயன்டோம்கள்..! அனல் பறக்கப்போகும் ஈரானின் தாக்குதல்
Rakshana MA
இஸ்ரேலின் பாதுகாப்பு கவசமாக காணப்படும் அயன் டோமின் செயல்பாடு 90 சதவிகிதத்திலிருந்து 65 சதவிகிதமாக குறைந்திருப்பதாக தகவல்கள் வெளியாகியுள்ளன.
இஸ்ரேலுக்கும், ஈரானுக்கும் கடந்த வெள்ளிக்கிழமை தொடங்கிய மோதல் ஒரு வாரமாக நீடித்து வருகிறது.
இந்த 7 நாட்களில் சுமார் 400 ஏவுகணைகளை ஈரான் ஏவியிருந்ததாகவும், இதில் 40 மட்டுமே இஸ்ரேலை தாக்கியுள்ளதாகவும், மீதமிருந்த 360 ஏவுகணைகளை அயன்டோம் போன்ற இஸ்ரேலிய வான் பாதுகாப்பு அமைப்புகள் இடைமறித்து அழித்தவிட்டதாகவும் சர்வதேச அச்சு ஊடகம் ஒன்று செய்தி வெளியிட்டுள்ளது.
குறையும் அயன்டோம் செயல்பாடு
இந்த நிலையில், ஈரானிலிருந்து இஸ்ரேல் நோக்கி ஏவுகணைகளில், நேற்று வரை 90% ஏவுகணைகள் இடைமறிக்கப்பட்ட நிலையில், இன்று (21) 65% ஏவுகணைகள்தான் இடைமறிக்கப்பட்டிருக்கிறது என்று இஸ்ரேலிய உளவுத்துறையின் மூத்த அதிகாரி ஒருவரின் தகவலை மேற்கொள்காட்டி NBC செய்தி நிறுனவம் செய்தி வெளியிட்டுள்ளது.
முன்னதாக, இஸ்ரேலின் வான் பாதுகாப்பு அம்சம் பலவீனமடைந்து வருகிறது என செய்தி வெளியான நிலையில் தற்போது உளவுத்துறையின் மூத்த அதிகாரியின் இந்த தகவல் அந்நாட்டு மக்களிடையே பதற்றத்தை ஏற்படுத்தியுள்ளது.
ஈரானின் மேம்பட்ட ஏவுகணைகள். ஈரான் மிகவும் சக்தி வாய்ந்த ஏவுகணைகளை உற்பத்தி செய்து அதை கொண்டு தாக்கி வருகிறது.
குறிப்பாக ஹைப்பர் சோனிக் ஏவுகணைகளை ஈரான் பயன்படுத்துகிறது. இந்த வகை ஏவுகணைகள் ஒலியை விட அதிக வேகத்தில் பயணிக்கும். இதை இடைமறிக்க முடியாமல் இஸ்ரேல் திணறி வருகிறது.
ஏவுகணை அறிவிப்பு
இது தொடர்பில், இஸ்ரேலிய அதிகாரி ஒருவர் கருத்து தெரிவிக்கையில், “ முன்பெல்லாம், ஈரான் ஏவுகணைகள் வருவது எங்களுக்கு 10-11 நிமிடங்களுக்கு முன்னர் தெரிந்துவிடும்.
எனவே அதை எப்படி தடுப்பது என்பதை நாங்கள் யோசித்து முடிவெடுப்போம். ஆனால், ஹைப்பர்சோனிக் ஏவுகணகள் எங்களுக்கு வெறும் 6-7 நிமிடங்கள்தான் கொடுக்கிறது.
எனவே சரியாக திட்டமிட முடியாமல் போய்விடுகிறது. அதேபோல ஒரு ஏவுகணையில் பல குண்டுகள் இருப்பதால், அதை தடுப்பதும் சாத்தியமில்லாததாக மாற்றிவிடுகிறது” என குறிப்பிட்டுள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள முதன்மை WHATSAPP குழுவில் இணையுங்கள் JOIN NOW |
