இலங்கையில் காணி விலைகளில் ஏற்பட்டுள்ள மாற்றம்

இலங்கையில் நிலச்சந்தை 2025 ஆம் ஆண்டில் குறிப்பிடத்தக்க வளர்ச்சியை பதிவு செய்துள்ளதாக தெரியவந்துள்ளது.

Lanka Property Web நிறுவனம் வெளியிட்டுள்ள 2025ஆம் ஆண்டுக்கான வருடாந்த காணி விலைச் சுட்டெண்ணிற்கமைய, இந்த தகவல் வெளியாகியுள்ளது.

அதன்படி, முதலீட்டாளர்கள் தற்போது கொழும்பு நகரத்திலிருந்து புறநகர்ப் பகுதிகளுக்கு தங்கள் கவனத்தைத் திருப்பி வருவதாக அறிக்கை காட்டுகின்றது.

கொழும்பு 1 முதல் 15 வரையிலான காணி விலைகள் 

இதற்கமைய, கொழும்பு மற்றும் கம்பஹா மாவட்டங்களின் புறநகர்ப் பகுதிகளில் காணி விலைகள் மிக அதிக வளர்ச்சியை எட்டியுள்ளது.

கொழும்பு 1 முதல் 15 வரையிலான காணி விலைகள் ஆண்டுக்கு ஆண்டு 4% அதிகரித்துள்ளதுடன், ஒரு பேர்ச் காணியின் சராசரி விலை 4 சதவீத வளர்ச்சியைப் பதிவு செய்துள்ளது.

இருப்பினும், கொழும்பு புறநகர்ப் பகுதிகளில் விலை அதிகரிப்பு 8% ஆக அதிகமாக காணப்படுகிறது, ஒரு பேர்ச் காணியின் சராசரி விலை ரூ. 2.3 மில்லியன் ஆகும்.

மேற்கு மாகாணத்தின் பிற மாவட்டங்களைக் கருத்தில் கொண்டு, கம்பஹா மாவட்டத்தில் காணி விலைகள் 15% அதிகரித்துள்ளதுடன், ஒரு பேர்ச் காணியின் சராசரி விலை ரூ. 769,097 ஆகும்.

இதேபோல், களுத்துறை மாவட்டத்தில் காணி விலைகள் 10% அதிகரித்துள்ளதுடன், ஒரு பேர்ச் காணியின் சராசரி விலை ரூ. 486,396 ஆகும்.

புதிய குடியிருப்பு திட்டங்கள் மற்றும் உள்கட்டமைப்பு மேம்பாடு காரணமாக சில நகரங்களில் விலைகள் 30% க்கும் அதிகமாக அதிகரித்துள்ளன,

கொழும்பு 06 மற்றும் 13 வரையிலான காணி விலைகள்

கம்பஹா மாவட்டத்தின் யாக்கல, நீர்கொழும்பு மற்றும் கொழும்பு மாவட்டத்தின் ஹோமாகம ஆகிய பகுதிகளில் ஒரு பேர்ச் காணியின் சராசரி விலை தலா 35 சதவீதத்தினால் உயர்வடைந்துள்ளது.

யக்கலவில் ஒரு பேர்ச் காணி 831,015 ரூபாவாகவும், ஹோமாகமவில் 916,912 ரூபாவாகவும், நீர்கொழும்பில் 1,561,925 ரூபாவாகவும் அதிகரித்துள்ளது.

மேலும், கொழும்பு மாவட்டத்தின் பிலியந்தல பகுதியில் காணி விலை 30 சதவீதத்தினால் உயர்ந்து ஒரு பேர்ச் சராசரியாக 1,222,181 ரூபாவாகப் பதிவாகியுள்ளது.

இதேபோல், கொழும்பு 06 மற்றும் 13 இல் விலை உயர்வுகள் மிக குறைவாகவே உள்ளதாக Lanka Property Web நிறுவனம் வெளியிட்டுள்ள அறிக்கையில் தெரியவந்துள்ளது.