ரணில் விக்ரமசிங்கவின் வெற்றி நிச்சயம் இல்லை: எம்.எஸ்.அமீரலி

இலங்கையில் வாக்கு வங்கிகள் உள்ள கட்சிகளாக மொட்டு கட்சியும், ஐக்கிய மக்கள் சக்தியுமே காணப்படுவதால் ரணில் விக்ரமசிங்கவின் வெற்றி நிச்சயம் இல்லை என முன்னாள் பிரதி அமைச்சர் எம்.எஸ்.அமீரலி தெரிவித்துள்ளார்.

மட்டக்களப்பில் இடம்பெற்ற கட்சியின் ஆதரவாளர்களின் சந்திப்பின்போதே அவர் இவ்வாறு குறிப்பிட்டுள்ளார்.

அவர் மேலும் தெரிவிக்கையில், தற்போதைய தேர்தல் கள நிலவரத்தின்படி ஜனாதிபதி ரணில் விக்ரமசிங்க மூன்றாவது இடத்தில் உள்ளார். அடுத்து வரும் சில தினங்களில் நாமல் ராஜபக்ச இந்த இடத்துக்கு வந்து விடுவார்.

வாக்கு வங்கி

ஏனெனில் அவர்களது கட்சிக்கு என ஒரு வாக்கு வங்கி உள்ளது. இலங்கையில் வாக்கு வங்கிகள் உள்ள கட்சியாக மொட்டு கட்சியும், ஐக்கிய மக்கள் சக்தியும்தான் காணப்படுகின்றன.

ரணில் விக்ரமசிங்கவினுடைய கட்சிக்கு வாக்கு வங்கி இல்லை என்பது எல்லோருக்கும் தெரியும். ஜேவிபி கட்சிக்கும் 4 லட்சம் வகையான வாக்குகள் காணப்படுகிறன. தற்போது அக்கட்சி ஒரு வளர்ச்சி போக்கினை காட்டுகிறது.

நமது ஜனாதிபதி வேட்பாளரின் வெற்றியில்தான் இங்குள்ள அவர்களின் வெற்றி தங்கி உள்ளது. அபிவிருத்தி காணப்பட வேண்டுமானால் சஜித்தின் வெற்றி முக்கியம் சஜித் பிரேமதாசா அவருக்கு 54 லட்சம் வாக்குகள் ஏற்கனவே உள்ளது இருப்பினும் மேலதிகமாக 15 லட்சம் வாக்குகளே எமக்கு தேவைப்படுகின்றது. அதற்கான பணிகளை நாம் தற்போது முன்னெடுத்து வருகின்றோம்.

களுத்துறையில் தொடருந்தில் மோதி ஒருவர் பலி

வெற்றி வேட்பாளர் 

சஜித் பிரேமதாசாவின் வெற்றி நிச்சயம் அவருடன் இலகுவாக அணுகி எமது வேலை திட்டங்களை முன்னெடுக்க முடியும். ஏற்கனவே மட்டக்களப்பு மாவட்டத்திலும், இலங்கையிலே அதிகமான வீட்டுத் திட்டங்களை அமைத்துக் கொடுக்க நடவடிக்கை எடுத்தவர் அவர்.

ஜனாதிபதி ஆனாலும் இந்த வீடமைப்பு அமைச்சை தன்னிடமே கொண்டு அனைத்து வேலைகளையும் நிறைவேற்றிக் கொள்ள திட்டமிட்டுள்ளார்.

எனவே ரணில் விக்ரமசிங்கவின் வெற்றி நிச்சயம் இல்லை அனைவரும் வெற்றி வேட்பாளர் கட்சிக்கு உடன் இணைந்து பணியாற்ற முன்வருமாறு முன்னாள் பிரதி அமைச்சர் எம்.எஸ். அமீரலி மேலும் தெரிவித்துள்ளார்.

ஜனாதிபதி வேட்பாளர்களுக்கு முக்கிய எச்சரிக்கை