போதைப்பொருளை வைத்திருந்த குற்றச்சாட்டில் நபரொருவர் கைது

அம்பலாங்கொடையில் மோட்டார் சைக்கிளில் ஐஸ் போதைப்பொருளை வைத்திருந்த குற்றச்சாட்டில் நபரொருவர் விசேட அதிரடிப்படையினரால் கைது செய்யப்பட்டுள்ளார்.

சம்பவம் தொடர்பில் அம்பலாங்கொடை பிரதேசத்தைச் சேர்ந்த 26 வயதுடைய இளைஞனே கைது செய்யப்பட்டுள்ளார்.

மேலதிக விசாரணை

கிடைத்த தகவலின்படி அம்பலாங்கொடை பொலிஸ் பிரிவுக்குட்பட்ட உரவத்த பாலத்திற்கு அருகில் சோதனை மேற்கொள்ளப்பட்ட போதே இந்த கைது நடவடிக்கை இடம்பெற்றுள்ளது.

சந்தேகநபர்களிடமிருந்து 18 கிராம் ஐஸ் போதைப்பொருள் கைப்பற்றப்பட்டதாக பொலிஸார் தெரிவித்துள்ளனர்.

மேலும், கைது செய்யப்பட்ட சந்தேகநபர் மேலதிக விசாரணைகளுக்காக அம்பலாங்கொடை பொலிஸ் நிலையத்தில் ஒப்படைத்துள்ளதாக தெரிவிக்கப்படுகின்றது.